2 Dzipfhumu 22:2 - Bhibhiliya Nya Guage

² A di thuma mithumo nya gululame mahoni ga Pfhumu Nungungulu, a di landrisa khu gutumbega dzindzila dza babe waye Dhavhidhe, nyamba ndreyela nyamudye ambari nyambade.

2 Dzipfhumu 22:2 Iomraidhean Croise

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

1 Dzipfhumu 15:11

Asa thumide mithumo nya gululame mbeli ga Pfhumu Nungungulu, kha nga kokwe waye Dhavhidhe.

1 Dzipfhumu 15:5

Kholu Dhavhidhe a di gimbide khu ndzila nya gululame mbeli ga Pfhumu Nungungulu, gima kha nga ndreya ga sileletelo satshavbo, matshigu yatshavbo nya guvbanye gwaye, vbavbandze basi ga iso si nga mu dugelelago ga Uriya nya lifumbu nya Muhiti.

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

2 Dzipfhumu 12:3

Ambari khu kharato, malangani nya sigomo kha nga ma dusa; kholu vathu va di nga gu simama gu ya gira miphaselo ni gu vbisa libani malangani nya gukhugege.

2 Dzipfhumu 14:3

A di thuma mithumo nya gululame mahoni ga Pfhumu Nungungulu, ambari a nga bani a si vbohi ga babe waye Dhavhidhe, aholu a di thuma kha nga idzo a nga bani a gira babe waye Jowasi.

2 Dzipfhumu 16:2

Akazi a diri ni tanga nya magumavili myaga, gikhati a nga phela gufuma; fumide Jerusalema gipimo nya likhumi na livbandre na moyo myaga; kha nga thuma mithumo nya gululame mahoni ga Pfhumu Nungungulu waye, kha nga babe waye Dhavhidhe.

2 Dzipfhumu 18:3

A di thuma mithumo nya gululame mahoni ga Pfhumu Nungungulu, kha nga satshavbo a nga girago babe waye Dhavhidhe.

2 Dzikoronika 17:3

Pfhumu Nungungulu a diri ni Josafati, kholu uye a di gimbila khu dzindzila nya guhegule dza babe waye Asa, kha nga vbweta vanungungulu nya Vabhahali.

2 Dzikoronika 29:2

Uye a di gira ugo gu lulamidego mahoni ga Pfhumu Nungungulu, kha nga satshavbo esi si nga girwago khu babe waye Dhavhidhe.

2 Dzikoronika 31:20

Ezekhiya a di gira kharati tigoni gwatshavbo ga na Judha; a di gira silo nya sadi nya lisine ni gululama mbeli ga Pfhumu Nungungulu.

2 Dzikoronika 34:1

Josiya a diri ni livbandre na miraru myaga gikhati a nga phela gufuma, fumide magumararu na moyo myaga.

Mavingu 20:11

Ambari gyanana gi ngu dzi yeyedza khu mithumo yaye, mavbanyelo yaye ma gu bani ma agide ni gululama.

Mavingu 4:27

U nga ndreyi uya nyamudye mwendro nyambade, dusa ngondro wago guvivbani.

Sofoniya 1:1

Aya khu Mahungu ya Pfhumu Nungungulu ma nga rumedwago ga Sofoniya, mwamana wa Khusi, wa Gedhaliya, wa Amariya, wa Ezekhiya, matshiguni ya Josiya, mwamana wa Amoni, mufumeli wa Judha.

Dhewuteronome 5:32

Khu guralo, girani kha nga idzo Pfhumu Nungungulu wanu a mi rumidego; mu nga ndreyini muya nyamudye, mwendro nyambade.

Josuwa 1:7

U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.