2 Dzipfhumu 22:1 - Bhibhiliya Nya Guage

¹ Josiya a diri ni tanga nya livbandre na miraru myaga, gikhati a phedego gu fuma, fumide Jerusalema magumararu na moyo myaga. Lina la mayi waye a diri uye Jedhidha, nyamahegyane wa Adhaya, wa Bhozikati.

2 Dzipfhumu 22:1 Iomraidhean Croise

1 Dzipfhumu 13:2

A dita laledza vbagiluvelotunu khu magana ya Pfhumu Nungungulu, khuye: “Giluvelo, giluvelo! Pfhumu Nungungulu, a ngu ganela kharati, khuye: Khumo nya lihundzu la Dhavhidhe, gu na velegwa gyanana gi na ranwago pwani Josiya, uye a na songa vbatshani gwago, vaphasi nya mhamba va malangani nya sigomo va gu vbiselago libani, va na gu vbisela khu marambo nya vathu.”

2 Dzipfhumu 11:21

Jowasi a diri ni tanga nya livbandre na mivili myaga, gikhati va nga mu wumbelago gu khala mufumeli.

2 Dzipfhumu 21:1

Manasi, a diri ni tanga nya likhumi na mivili myaga, gikhati a nga phelago gu fuma, fumide Jerusalema livbandre magumi na livbandre myaga; lina la mayi waye, a di ranwa gupwani khu Hefizibha.

2 Dzipfhumu 21:24

Aholu vathu va tigoni gwaye, va di songa vatshavbo avo va nga gira gikungo nya gusonge mufumeli Amoni; vathu va tigoni gwaye, va di vega mwanaye Josiya gu khala mufumeli a tshikhedza wulangani gwaye.

2 Dzipfhumu 21:26

Va mu dzingide thowoni gwaye, thembweni nya senge ga Uza; wulangani gwaye, fumide Mwanaye Josiya.

Dzindzimo 8:2

Khu kanani nya sanana sidugwana ni esi sa beleni u thede tshivba, khu kotani ya valala vawe, si degudza ava va gu wugelago.

Muhevbudzi 10:16

Libango lago uwe litigo u fumwago khu mufumeli nya gyanana, dzindruna dzakone dzi buzago gukhugela dzimindrudzile.

Isaya 3:4

Nyi na va ninga madzaha ma khala vafumeli vawe, va na fumedwa khu sanana.

Jeremiya 1:2

Magana ya Pfhumu Nungungulu, ma rumedwe ga Jeremiya, matshiguni ya Josiya, mwamana wa Amoni, mufumeli wa Judha, khu mwaga nya likhumi na miraru nya gufume gwaye;

Ezekiyeli 18:14

Wonani nya gukhenu, gyanana gyogyo, gya gu velega gyanana gi wona sighoho satshavbo a giridego babe waye, ambari na gi si wone, gi si giri silo nya nga isoso,

Sofoniya 1:1

Aya khu Mahungu ya Pfhumu Nungungulu ma nga rumedwago ga Sofoniya, mwamana wa Khusi, wa Gedhaliya, wa Amariya, wa Ezekhiya, matshiguni ya Josiya, mwamana wa Amoni, mufumeli wa Judha.

Matewu 1:10

Ezekhiya a velega Manasi; Manasi a velega Amoni; Amoni a velega Josiya;

Josuwa 15:39

Lakisi Bhosikati ni Egilomi;