2 Dzipfhumu 21:6 - Bhibhiliya Nya Guage

⁶ A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

2 Dzipfhumu 21:6 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

2 Dzipfhumu 16:3

Kholu a di landrisela dzindzila dza vafumeli va Israyeli; a di vbisa ni gyanana gyaye niloni, a landrela mavbanyelo ya va nya mayigo, ayo Pfhumu Nungungulu a nga ma lundrago mbeli ga sanana sa Israyeli.

2 Dzipfhumu 17:17

Va di vbisa gambe sanana sawe nya sikhwathana niso nya sagadzyana niloni, va dzi ningedzela dzisoloni ni wuloyi, va gira silo nya guvivbe mbeli ga Pfhumu Nungungulu, va mu gorogisa.

2 Dzipfhumu 23:24

Josiya, a di lundra gambe vanyadzisolo, va nya gufemba, sithungulu, sifananiso ni manyala yatshavbo ma nga bani na ma gu wonega tigoni ga Judha ni Jerusalema, gasi gu tiyisa magana nya Nayo, ma nga bani ma lovidwe umo nya Libhuku li nga tugudwago khu muphasi nya khongolo nya mhamba Hilikiya, Nyumbani ga Pfhumu Nungungulu.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

2 Dzikoronika 28:3

Vbiside gambe mabani kovani wa gyanana gya Bheni-Hinomi, a vbisa ni sanana saye niloni, a landrela mavbanyelo ya va nya mayigo ava Pfhumu Nungungulu a va tutumisidego mbeli ga va na Israyeli.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 66:4

Khu guralo, eni neni nyi na va girela sigaradzo nya sikhongolo, nyi na resa vbatshani gwawe iso si na gu va thelago hwanga; kholu nyi ranide, gambe mwalo a nga nyi hakhago, nyi ganede, gima kha va yingisa; aholu va di gira ugo gu nyenyezidego mbeli gwangu ni gu hatha gu gira iso nyi si si goligo.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 19:5

Va giride siluvelo nya guphasele dzimhamba nya guvbiswe va vbisela nungungulu Bhahali, gasi va vbisela avbo sanana sawe; iso nyi ngamba va ruma gu gira ambari gu si alakanya monyoni gwangu.

Ezekiyeli 23:39

Ga litshigu la limwedo va nga bani va gu phasela sanana sawe ga sifananiso sawe, avo va di gu bela nyumbani gwangu nya miphaso va gu nyenyezisa. Khiso va giridego nyumbani gwangu.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 19:26

Mu nga hodzi gilo gi gu ni novba, mu nga giri wutumbe mwendro gulola dzisolo.

Levhi 19:31

Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu.

Mikeya 6:7

Ina Pfhumu Nungungulu a di hadza gutsaka khu mazanazana nya dzihamba, ni likhumi mazana mitsongo nya mafura, gani? Nyi na ni fanelo nya guningele gyanana gyangu nya matiwula khu kotani nya sihoso sangu, a gu handro nya melego wangu khu sighoho nyi giridego, gani?

Mithumo 16:16

Tshigu mwedo, na hi gu hongola nombelotunu, hi di khingwa khu nyamahegyane moyo nya khumbi, a nga bani ari ni mandriki nya wutumbe; uye a di fumisa ngudzu vaphari vaye khu gulola gwaye.

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.