2 Dzipfhumu 21:16 - Bhibhiliya Nya Guage

¹⁶ Gu diga nya esi, Manasi vbaladzide gambe novba nya wungi ngudzu nyambana nandru, kala a tadza Jerusalema gwatshavbo khuwo, gukhugela mahegiso kala mahegiso, vbavbandze nya gighoho gyaye a nga ghohisa khigyo va na Judha, giride silo nya guvivbe mahoni ga Pfhumu Nungungulu.

2 Dzipfhumu 21:16 Iomraidhean Croise

2 Dzipfhumu 21:11

“Kha nga olu Manasi, mufumeli wa Judha a giridego manyala yaya, a ghoha guvbindra iso va giridego Vaamori, avo va thangidego mbeli gwaye, a ghohisa ni va na Judha khu sifananiso saye.

2 Dzipfhumu 21:15

Kholu va giride iso si vivbidego mahoni gwangu va nyi wugela va nyi gorosa, gukhugela litshigu vababe vawe va dugidego khu tigoni ga Egipito kala muhuno.”

2 Dzipfhumu 21:2

A di thuma mithumo nya guvivbe mahoni ga Pfhumu Nungungulu, a landrela mavbanyelo nya mayigo ma nga lundrwago khu Pfhumu Nungungulu mbeli ga va na Israyeli, gikhati va nga belago tigoni gwawe.

2 Dzipfhumu 21:7

Emiside gambe gifananiso nya simbo gya Asitaroti, Nyumbani ga Pfhumu Nungungulu, a ganedego ga Dhavhidhe ni ga mwanaye Solomoni, khuye: “Nyumbani momu, ni dhoropani momu ga Jerusalema, nyi gu hathide vbakari nya mahundzu yatshavbo ya Israyeli, gukheni nyi na vega Lina langu kala gupindruga.

2 Dzipfhumu 3:3

Khu guralo, a di namarela ga sighoho sa Jerobhowamo mwamana wa Nebhati, a nga ghohisa Israyeli watshavbo; a si hambani naso.

2 Dzikoronika 33:9

Manasi a di ghohisa va na Judha ni vavbanyi va Jerusalema, va gira ugo guvivbidego ngudzu, guvbindra mayigo Pfhumu Nungungulu a nga bani a ma mbembiside gasi gu ninga mayigo yawe va na Israyeli.

Ekisodha 32:21

Mosi a di wudzisa Aroni, khuye: “Ginani va gu giridego vathu vava, gukala u va diga va gira gighoho nya gikhongolo kharati?”

Mavingu 6:16

Somo livbandre na gimwegyo silo a si vengago Pfhumu Nungungulu, nya livbandre na sivili si gorosago hefemulo waye, a gu esi:

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 2:34

Mudzitshokani nya dzingandzu dzago gwa gu manega ni novba nya sisiwana esi si gu mwalo nandru, avo u ngamba va mana na va gu phanga. Ambari khu satshavbo soso,

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Ezekiyeli 22:2

“Khu guralo, uwe mwamana wa muthu, ina, u dzi emisede gulamula lidhoropa leli li vbaladzago novba, gani? Khu guralo, va gire va tugule mithumo yawe yatshavbo nya guvivbe

Ezekiyeli 22:4

U dzi rwegide nandru khu kotani nya novba u wu vbaladzidego, ni gu dzi nyenyezisa khu sifananiso u dzi giredego. U dzi bweledzede hwane matshigu yago; matshigu yago nya guvbanye, ma vbohide mahegiso. Khu guralo, nyi gu giride gilo nya gihegiso ni givalo vbakari nya mayigo ni mafuni gwatshavbo.

Ezekiyeli 23:45

Aholu vama va lulamidego va na va rwega tsayiso wu lumbago vanyamayi va girago wubhayi ni gu vbaladza novba; kholu avo maphuphulu, mandzani gwawe gu tade khu novba.

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Mitengo 35:33

Khu magirelo yaya, mu nga tshuki mu nyenyezisa litigo leli mu vbanyago ga ilo; kholu novba wu ngu nyenyezisa litigo; gambe ilo li ngu kodza gu handzwa basi khu novba wa wule a vbaladzidego novba.

Matewu 27:6

Vakhongolo nya vaphasi va di rolela, singerengere, khavo: “Gu ngu lolela gu si thela gikhwamani nya mihengo, kholu i tengo nya novba.”

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”

Vahebheru 11:37

Va di pfarwa khu siwindri, vambe va pidwa khu vbakari, vambe va songwa khu matshari. Va di legalega na va ambade malowo nya dzinvuta ni dziphongo. Va diri sisiwana, va saniswa ni gu poyidwa.