2 Dzipfhumu 20:3 - Bhibhiliya Nya Guage

³ “Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

2 Dzipfhumu 20:3 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 5:22

Hwane nya gu na velegide Metusalema, Enoki vbanyide gipimo nya mazana mararu (300) myaga na gu landrisa gugola gwa Nungungulu, a di velega talo nya sanana nya vama ni vanyamayi.

Genesi 5:24

Enoki a di landrisa gugola ga Nungungulu gikhati gyatshavbo, a di mwalalega nyamba wonwa gambe. Kholu Nungungulu a di mu dzega aya khala naye.

Genesi 8:1

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 15:14

Ambari a ngamba fuvisa miphaselo ya musigomoni, Asa a diri ni monyo wu lulamidego mbeli ga Pfhumu Nungungulu, matshigu yatshavbo nya guvbanye gwaye.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

1 Dzipfhumu 8:23

a lombelela, khuye: “Pfhumu Nungungulu wa Israyeli, mwalo mumbe Nungungulu a fananago ni Uwe, vbatshani ndzadzini, ambari vbavbatshi mafuni, Uwe u vegedzago gidzumeledzwano nya wuhindzi ga sithumi sago, si tago mbeli gwago khu monyo wawe watshavbo.

1 Dzipfhumu 8:61

Myonyo yanu yi na vbelele khu gu tumbega ga Pfhumu Nungungulu wathu, gasi mu kodze gu gimbila khu sileletelo saye, mu sayisa milayo yaye yatshavbo kha nga muhuno.”

1 Dzipfhumu 9:4

Gasi uwe, wa gu gimbila mbeli gwangu kha nga babe wago Dhavhidhe, khu monyo wago watshavbo ni gululama, u gira satshavbo iso nyi gu rumidego, u sayisa sileletelo ni milayo yangu,

2 Dzipfhumu 20:2

Khavbo avbo, Ezekhiya, a di thendregedza khovbe yaye a khedza ndzarini, a lombelela ga Pfhumu Nungungulu, khuye:

2 Dzipfhumu 20:4

Avbo Isaya a nga khuga, na si gu dugi vbakari ni vbakari nya likupakupa, Lito la Pfhumu Nungungulu, li dita avbo gwaye li ta mu embela, khilo:

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Nehemiya 13:14

Khu guralo, Nungungulu Wangu, U nga nyi divali, dundruga silo nya sadi nyi gu giredego nyumbani Gwago gumogo ni thumo wago.

Nehemiya 13:22

Nyi leletede gambe va na Levhi gukheni va dzi agise, vata ghadha malimba, gasi va agisa litshigu nya Sabhadho. Khu esi gambe, Pfhumu Nungungulu wangu, nyi alakanye; U nyi tsetselela khu kotani nya wuhindzi wago nyamba vbela.

Nehemiya 13:31

gasi va sayisa miningelo nya dzikhuni nya guvbise khidzo miphaso ni dzimbewu nya guphele guvbwerwa mahangeni khu dzinango dzi vegisidwego. Nyi alakanye, Nungungulu wangu, ni gu nyi girela wuwadi.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Joba 16:20

Dzipari dzangu dza gu nyi wona, dza gu nyi hega, maho yangu ma gu simba khu gulila mbeli ga Nungungulu;

Joba 4:6

Ina khandri githawo u ningago Nungungulu gi gu ningago gitumbo, gani? Ni mithumo yago nya gululame, yi gu ningago gutumba, gani?

Dzindzimo 102:9

Wulangani nya gibaba, nya gu hodza nguma ni gusela gwangu gwa gu patana ni marongo yangu,

Dzindzimo 119:26

Nyi gu dawulede guvbanya gwangu gwatshavbo, Uwe U nyi hakhide, nyi hevbudze guti milayo yago.

Dzindzimo 119:49

Dundruga gitumbiso u giridego ni githumi gyago, a gu magana ma nyi ningidego gutumba.

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 25:7

U nga alakanyi sihoso sangu, ambari sighoho nyi giridego wudzahani wangu. Nyi dundruge khu lihaladzo lago, khu kotani nya wuwadi wago Pfhumu Nungungulu.

Dzindzimo 26:1

Nyi lamule, Pfhumu Nungungulu, kholu nyi lulamide guvbanyani gwangu; nyi ngu tumba Pfhumu Nungungulu nyamba kanakana.

Dzindzimo 26:3

mahoni gwangu nya gu wona lihaladzo lago, nyi ngu gimbila lisineni gwago.

Dzindzimo 32:2

Kategide muthu wule, a si wonwigo nari ni nandru khu Pfhumu Nungungulu; wule a gu mwalo mahingigedzo nya wukanganyisi.

Dzindzimo 39:13

Ndreyisa maho yago ga eni, nyi kodze gu hefemula, na gu si vbohi gikhati nya gu nyi vbindra nyi si wonegi.”

Dzindzimo 6:6

Nyi vbede tshivba khu gu lila, marongo yangu ma gu goga wutshigu watshavbo nyi naganisa lidawu langu ni gikhuledzo.

Dzindzimo 6:7

Maho yangu ma gu simba khu gulila ma rereka khu kotani ya valala vangu va tadego.

Dzindzimo 89:47

Dundruga gukhuwe womi wangu wu rode, muthu u mu wumbidego kha vbanyi matshigu nya gulaphe.

Dzindzimo 89:50

Pfhumu, alakanya gukhuwe eni githumi gyago nyi ngu vadwa ngudzu, nyi ngu rwala khanani gwangu givalo nya mayigo nya mangi.

Isaya 38:14

Nyi di gu lila kha nga ndrewulewu, nyi tsikwila gu fanana ni lituva; maho yangu ma di garala khu gu khedza vbatshani; uwe Pfhumu, nyi womo gu garadzegani, nyi phase wuvini momu.

Isaya 63:11

Avbo va nga dundrugago matshigu ya gale, ya Mosi, ni ya vathu vaye, va di ganela, khavo: Womo hayi wule a nga hi vbindrisa khu vbakari nya yiphwa ni vahavisi nya tshambi waye? Womo hayi wule a nga thelago vbakari gwawe Liphuvbo laye nya Guage,

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Amosi 5:4

Kholu Pfhumu Nungungulu a ngu ganela kharati ga nyumba ya Israyeli, khuye: Nyi vbweteni gasi mu mane guvbanya!

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.