2 Dzipfhumu 2:6 - Bhibhiliya Nya Guage

⁶ Eliya a di embela Elizewu, khuye: “Khala avba, kholu Pfhumu Nungungulu a nyi rumede gu hongola Joridhani.” Aholu uye a di mu hakha, khuye: “Nyi ngu sambanya khu Pfhumu Nungungulu a vbanyago ni hefemulo wago gukheni, gima kha nyi na nga gu diga.” Khu guralo, va di hongola gumogo.

2 Dzipfhumu 2:6 Iomraidhean Croise

Genesi 22:6

Abrahama a di dzega dzikhuni nya miphaso a dzi handzega magatani ga mwanaye Isaki, uye a di phara nilo ni ngala mandzani, va bela ndzilani va vavili.

Genesi 22:8

Abrahama a di hakha, khuye: “Nungungulu a na hi ninga nvuta nya miphaso nya guvbiswe, mwanangu.” Khu guralo, va di gimbila gumogo vatshavbo.

2 Dzipfhumu 2:2

Eliya a di embela Elizewu, khuye: “Uwe khala avba, kholu Pfhumu Nungungulu a nyi rumede gu hongola Bheteli.” Aholu Elizewu a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wago kheni, gima kha nyi na nga gu diga. Khu guralo, va di hongola vatshavbo Bheteli.”

2 Dzipfhumu 4:30

Aholu, mayi wa gyanana a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wangu, kheni: Gima kha nyi na gu diga.” Khavbo avbo, uye a di khuga a mu landra.

Josuwa 3:15

Gikhati va vbohidego tsongoni wa Joridhani avbo migondro ya vaphasi nya mhamba va nga bani va rwade Ngasa nya Gidzumeledzwano yi nga gandrago matini, bambe nya tsongo (kholu tsongo wa Joridhani wu di gu gugumuga wu goga funguni gwatshavbo, matshigu yatshavbo nya guvbwere,)

Josuwa 3:8

U na ruma vaphasi nya mhamba va rwalago Ngasa nya Gidzumeledzwano khuwe, mwa gu vbohani tsongoni wa Joridhani, mu na ya ema bambe nya mati.”

Rute 1:16

Aholu Rute a di hakha, khuye: “U nga nyi gurumedzi gu gu diga, nyi hambana nago, kholu umo u na hongolago, nyi na hongola neni, ni avbo u na gu lalago vbawutshigutunu, nyi na lala neni avbo; litigo lago, litigo langu neni, Nungungulu wago, Nungungulu wangu neni.

1 Samuweli 1:26

Ana a di mu embela, khuye: “Yingisa mune wangu, nyi ngu sambanya khu womi wago, eni kheni nyamayi wule nyi nga bani nyi lombelela ga Pfhumu Nungungulu vbafuvbi nago.

1 Samuweli 20:3

Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”