2 Dzipfhumu 2:5 - Bhibhiliya Nya Guage

⁵ Khavbo avbo, sanana sa vaprofeti si nga bani siri Jeriko, si di hidzimela ga Elizewu si ta, khiso: “Ina u ngu dziti nya gukhuwe muhuno Pfhumu Nungungulu a na gu dzegela mune wago a mu khusedzela vbatshani, gani?” Uye a di hakha khuye eni neni nyi ngu dziti, degulani.

2 Dzipfhumu 2:5 Iomraidhean Croise

Genesi 48:19

Aholu babe waye a di bomba, a ganela, khuye: “Nyi ngu dziti, mwanangu, nyi ngu dziti; uye nuye a na khala lihundzu, uye nuye a na bani na tade khu tshivba aholu ndriyaye nya nandra a na mu pala, gambe livelego laye li na bani liri talo nya mayigo.”

1 Dzipfhumu 20:35

Moyo nya sanana sa vaprofeti, khu guruma ga Pfhumu Nungungulu, a di embela moyo nya vabangaladzi vaye, khuye: “Nyi vete gibhakela; aholu mwama wule a di bomba gu mu veta.

2 Dzipfhumu 2:3

Khavbo avbo, sanana sa vaprofeti si nga bani na siri Bheteli, si di duga si khinga Elizewu sita, khiso: “Ina u ngu dziti nya gukhuwe muhuno Pfhumu Nungungulu a na gu dzegela mune wago, gani?” Uye a di va embela, khuye: “Eni neni nyi ngu siti gwadi, aholu degulani.”

2 Dzipfhumu 4:1

Nyamayi moyo, wa vbakari ga vagadzi va vapizane va vaprofeti, a di lila ga Elizewu a mu embela, khuye: “Githumi gyago, mwama wangu, fude; uwe u ngu dziti gwadi gukhuwe githumi gyago gi di gu thava Pfhumu Nungungulu, olu vbohide uye a nga bani nari ni mangava naye guta dzega sanana sangu sa sivili gasi guya si gira dzikhumbi.”

2 Dzipfhumu 5:22

Geyazi a di hakha, khuye: “Gwadi! Mune wangu a nyi rumide, kholu: Va vbohide vapfhumba vatago khu gigomoni gya Efrayimi, nya madzaha mavili nya vapizane va vaprofeti; va ninge taleta mweyo nya parata ni dzingandzu dzimbili.”

2 Dzipfhumu 6:1

Vapizane va vaprofeti va di embela Elizewu, khavo: “Wona nya gukhuwe wulanga wowu hi khalago avbo, mbeli gwago wu dugwana.

2 Dzipfhumu 9:1

Khavbo avbo, muprofeti Elizewu a di rana moyo nya vapizane va vaprofeti a mu embela, khuye: “Hunga giwunu gyago khu libhandri, u phara mandzani gwago kheho yeyi nya mafura u hongola Ramoti-Gileyadhi;

Muhevbudzi 3:7

gikhati nya gupferule, ni gikhati nya gusonedzele; gikhati nya gudegule, ni gikhati nya guganele;

Isaya 41:1

Degulani mbeli gwangu, enu vathu mu vbanyago sidwani. Enu mayigo, wusedzani tshivba yanu! Hidzimelani vbafuvbi gasi mu ganela; hatshavbothu hi naya ema phathani.

Amosi 7:14

Amosi a di hakha a embela Amaziya, khuye: Eni nyi di siri muprofeti, ambari gyanana gya muprofeti; aholu nyi diri muhavisi nya dzimombe ni musayisi nya miguhu.

Habhakuka 2:20

Khu guralo, Pfhumu Nungungulu, womo nyumbani gwaye nya gukatege; mbeli gwaye litigo latshavbo li na degule.

Luka 24:51

Na gu va kategisa, a di hambana navo, a gu khusega aya Ndzadzini.

Mithumo 1:11

“Vama va Galileya, khu ginani mu pfhalago khu gu khedza Ndzadzini? Uye Jesu wa moyo mu mu wonego na gu gwela Ndzadzini, a na wuya gambe kharati nga edzi mu mu wonego na gu gwela khidzo Ndzadzini.”

Mithumo 1:2

kala litshigu a nga gwelago khilo Ndzadzini; hwane nya gu na ningide Milayo khu tshivba nya Liphuvbo nya Guage, ga Vapostoli a nga bani a va hathide.

Mithumo 26:25

Pawulo a di hakha, khuye: “Kha nya handruga, mufumeli wangu. Nya gu ganela mahungu nya lisine ni gupima.

1 Samuweli 10:5

Khavbo avbo, u na hongola gigomoni gya Nungungulu, avbo gu gu ni lizumbo nya vawoneleli va Vafilisitiya; gikhati u na belago dhoropani, u na tshangana ni tsawa nya vaprofeti na va gu tshiga khu gigomoni, na va thangedwe khu vawombi nya dzimbila, dzingoma, misengele ni sitendre, na va guprofeta.