2 Dzipfhumu 2:24 - Bhibhiliya Nya Guage

²⁴ A di thendregedza a khedza hwane, a di si wona a si vala linani ga Pfhumu Nungungulu; khavbo avbo, gu di duga khu khabini sirengo sivili nya sikankanka si ta vbadzulela magumana na sivili nya sikhwathana sile.

2 Dzipfhumu 2:24 Iomraidhean Croise

Genesi 9:25

A di ganela, khuye: “A na vadwe Khanani, a na khale uye wa mahegiso ga dzikhumbi dzatshavbo dza vandriyaye!”

2 Samuweli 17:8

Husayi a di engedza, khuye: Uwe u ngu wuti gwadi wundrena wa babe wago ni wa vama a gu navo, va ngu leva gu fanana ni nyari yi bedwego sanana saye, gambe babe wago muthu nya nyimbi, vbawutshigutunu, kha khali vbakari nya vathu.

1 Dzipfhumu 13:24

A di hongola, nari ndzilani, a di dhumedwa khu nghala yi mu songa, girumbi gyaye higyo labalaba ndzilani, gasi buru yi di simama yi ema ndzilani vbafuvbi gwaye, nghala na yi khade vbafuvbi nya girumbi.

1 Dzipfhumu 19:17

Vathu va na vbulugago gu songwa khu Hazayeli, va na songwa khu Jewu, ni vatshavbo va na vbulugago gu songwa khu Jewu, va na songwa khu Elizewu.

1 Dzipfhumu 20:36

Khavbo avbo, muprofeti a di mu embela, khuye: “Olu u ngamba yingisa magana ya Pfhumu Nungungulu, gikhati u nga ndreyago hwindzo ni eni, u na vbadzuledwa khu nghala!” Me ni gu hambana, a di hodzwa khu nghala.

2 Dzipfhumu 2:25

Khu vbale, uye a di gwela gigomoni gya Karimelo; aya khuga khavbo a wuya Samariya.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Mavingu 17:12

I tshukwana gutshangana ni gikankanka nya ngadzi gi wandredwego sanana saye, guvbindra gutshangana ni gipumbu gi thumago wuphuguphugu wagyo.

Mavingu 19:29

Vathu nya dzihanyi va emedwe khu tsayiso, ni gisephu gi emede gu kwamula mihwambo ya sipumbu.

Mavingu 28:15

Mufumeli nya guvivbedwe khu monyo a gu fuma litigo nya sisiwana, a gu fanana ni nghala yi bhongago ni gikankanka gya gupwa ndzala.

Jeremiya 28:16

Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Gililo 3:65

Bangisa myonyo yawe; likhulo lago li na thege vbatshani gwawe.

Hoseya 13:8

Gufanana ni gikankanka gi nga bedwago sanana saye, nyi na va mana nyi va vbadzulela. Nyi na fanana ni nghala nyi va vbadzulela avbo vbale kamwe, va na pferuledwa khu sirengo nya likhabi.

Levhi 26:22

Nyi na rumela sirengo nya likhabi si songetela sanana sanu, si na vbedza sifuyo sanu, enu nenu mu na vbedzwa khiso mu khala vadugwana; dzindzila dzanu dzi na fuva.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Marko 11:14

Khavbo avbo, Jesu a di embela ngure, khuye: “Gu khugela muhuno mwalo a na hodzago gambe mihandro yago.” Vapizane va dipwa magana yaya.

Marko 11:21

Pedro a di dundruga, a mu embela, khuye: “Muhevbudzi, nga wona ngure u nga wu vala, wu bangide.”

Mithumo 5:5

Na pwide magana yaya Ananiya a di thega vbavbatshi a sala afa. Khavbo avbo, vatshavbo va nga mapwago mahungu yaya, va di khala hwanga.

Mithumo 5:9

Pedro a di engedza a ganela, khuye: “Khu ginani mu nga pwananago mufela gu pfhadza Liphuvbo la Pfhumu? Yingisa, mwanyatunu, sikingo sa vale va wuyago khiyo va ngaya dzinga mwama wago. Va na gu rwala nuwe.”

Mithumo 8:20

Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

2 Vakorinto 10:6

Nyi dzi emisede gutsayisa ni gwevbini guphungela, kala guyingisa gwanu Kristo gu vbelela.

Valamuli 9:20

Aholu a gu bani na siri kharato, gu na duge nilo khavbo ga Abhimeleki wu na gumbembisago vatshavbo vavbanyi va Bheti-Milo, wu mbembisa gambe ni Abhimeleki.

Valamuli 9:57

Gumogo gambe ni gu bweledzela hungoni wuvivbi wa vathu va dhoropani ga Sikemi; ni guvivba a giredego Jothamo, mwamana wa Jerubhahali, gu di thegela hungoni gwawe.