2 Dzipfhumu 2:23 - Bhibhiliya Nya Guage

²³ Khavbo avbo, a di khuga khu vbale a gwela Bheteli; nari ndzilani nya guhongole, gu di duga sikhwathana khu dhoropani si mu tsorodzela, khiso: “Gwela nya lihandlawe! Gwela nya lihandlawe!”

2 Dzipfhumu 2:23 Iomraidhean Croise

Genesi 21:9

Avbo Sara a nga wona nya gukhuye gyanana gya Abrahama a nga velegedwago khu Agari, nyamayi nya Mugipiti, gi ngu hagana gumogo ni Isaki,

2 Dzipfhumu 2:11

Gikhati va nga bani va longoloka gumogo ni gu bhula, gu di wonega kareta nya nilo ni dzikavalu nya nilo, dzi ta va hambanisa va vavili, Eliya a di khusedzedwa ndzadzini khumo nya gipupwane.

2 Dzipfhumu 2:2

Eliya a di embela Elizewu, khuye: “Uwe khala avba, kholu Pfhumu Nungungulu a nyi rumede gu hongola Bheteli.” Aholu Elizewu a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wago kheni, gima kha nyi na nga gu diga. Khu guralo, va di hongola vatshavbo Bheteli.”

2 Dzipfhumu 2:22

Khu guralo, mati yale ma di thumwa ma khala mati nya yadi kala na muhuno, kha nga guganela ga Elizewu.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Joba 19:18

Ambari ni sanana nya sidugwana, sa gu nyi hembulula; ambari nyi lingedza gu wuga, iso sa gu nyi hega.

Joba 30:1

Muhuno nya gu khala gihegiso ga vathu nya vadugwana guvbindra eni, vale vababe vawe khu gale va nga bani vari mwalo fanelo nya gugimbile ni dzimbwa dzi nga bani dzi ghula tshambi wangu.

Dzindzimo 31:17

Pfhumu Nungungulu, nyi nga khali dzitshoni gu gu rana; va nya guvivbedwa khu myonyo va na khale dzitshoni, va na degule va relela phalani nya vafi.

Dzindzimo 31:18

Ma na dumare magana ya vakanganyisi, ma ganelago guvivba khu muthu nya gululame, khu matshandza ni linyenyo.

Dzindzimo 35:15

Gasi avo gikhati nyi nga thega, va di ghiya va tshangana gumogo; vathu nyamba vati, va di tshangana gasi gu nyi wugela nyi si giti igyo va nyi wugelago khigyo;

Mavingu 20:11

Ambari gyanana gi ngu dzi yeyedza khu mithumo yaye, mavbanyelo yaye ma gu bani ma agide ni gululama.

Mavingu 22:15

Wupumbu wu namarede monyoni ga gyanana, aholu lipitso nya gulaye, li ngu kodza gu wu tsapurula li wu yisa hwindzo.

Mavingu 22:6

Hevbudza gyanana ndzila gi yelago gu yi landra, kholu, ambari gya gu gumba, gima kha gi na hambana nayo.

Muhevbudzi 11:10

Khu guralo, dusa gugaradzega gwa monyoni gwago, u hambana niso si na gu tshanisago mili wago, kholu wanana ni wudzaha gu dzi pfhadza, kha si phasi gilo.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 3:5

Va na tshanisana khu gyawe; muthu ni muthu a na wugela muthu kwawe, gyanana gi na wugela lidhota, ni muthu nya nyalidede a na wugela muthu nya guthavisege.

Jeremiya 20:7

Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Jeremiya 20:8

Kholu gikhati gyatshavbo nyi ganelago nya gu keta ni gu womba huwa, kheni: “Wusaseli ni gu pfhungumudwa! Kholu magana ya Pfhumu Nungungulu ma khade gihegiso gwangu ni tshanisa matshigu yatshavbo!”

Jeremiya 7:18

Sanana sa gu funya dzikhuni, vavelegi va vasa nilo, vanyamayi va suga wuguvbi gasi gu gira sibaba nya gulumbe nungungulu nya nyamayi a ranwago pwani Pfhumugadzi ya Ndzadzini. Gu diga nya isoso, va guya ningela miningelo nya wadwa ga vambe vanungungulu, va fela gu nyi gorosa va nyi wusela likhulo.

Hoseya 10:15

Si na girega kharato avbo gwago, uwe Bheteli, khu kotani nya sighoho sago nya sikhongolo. Na gu nga gu duga wuronga, mufumeli wa Israyeli a na mbembisedwa muphelo.

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Levhi 13:40

Mwama a gu thegelela ndzudzu hungoni, khu lihandza, agide.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Amosi 4:4

Indrani Bheteli, mu ya ghoha, bwelo khavbo mu wuya Ghiligali mu ya gu andrisa khu sighoho, resani miphaselo yanu nya dzimindrudzile, gugya ni gugya, resani miphaso yanu, guvbelani nya matshigu mararu ni mararu, resani gipandre gyanu nya likhumi.

Amosi 5:5

Aholu mu nga vbwetini Bheteli, ambari guyani Giligali, ni guvbindra muya Bherisebha, kholu Giligali, a na sasedwa a yiswa wugumbini, Bheteli a na pfhungumudwa a si khali gambe gilo.

Amosi 7:13

Aholu, omu tigoni ga Bheteli, gukhugela olu guya mbeli, khu na nga profeta gambe, kholu, wulanga nya guage wa mufumeli ni nyumba nya miphaso nya mufumo.

Vagalatiya 4:29

Ga matshigu yale, gyanana nya guvelegwe khu tumbunugo nya wuthu gi di sanisa egi nya guvelegwe khu tshivba nya Liphuvbo la Nungungulu; kala ni muhuno gambe khiso si dugelelago.

Vahebheru 11:36

Vambe va di poyidwa, va khinyedwa. Vambe va di hungeledwa va thedwa mapasoni.