2 Dzipfhumu 2:2 - Bhibhiliya Nya Guage

² Eliya a di embela Elizewu, khuye: “Uwe khala avba, kholu Pfhumu Nungungulu a nyi rumede gu hongola Bheteli.” Aholu Elizewu a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wago kheni, gima kha nyi na nga gu diga. Khu guralo, va di hongola vatshavbo Bheteli.”

2 Dzipfhumu 2:2 Iomraidhean Croise

Genesi 28:19

Jakobe a di rana wulanga wule, khuye Bheteli, lidhoropa khu gale li nga bani li gu ranwa gupwani Wenengedzo.

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

1 Dzipfhumu 12:29

A di vega gimombyana gimwegyo Bheteli, gimbe aya gi vega Dhani.

1 Dzipfhumu 12:33

Khu litshigu nya likhumi na livbandre nya ngima nya livbandre na wuraru, litshigu li nga hathwago khuye, a di ningela miphaso vbagiluvelotunu gi nga bani na giri Bheteli. Khu kharati, uye a di emisa buzo wa na Israyeli a hongola vbagiluvelotunu gasi guya vbisa libani.

2 Dzipfhumu 2:23

Khavbo avbo, a di khuga khu vbale a gwela Bheteli; nari ndzilani nya guhongole, gu di duga sikhwathana khu dhoropani si mu tsorodzela, khiso: “Gwela nya lihandlawe! Gwela nya lihandlawe!”

2 Dzipfhumu 2:4

Eliya a di embela Elizewu, khuye: “ Khala avba, kholu Pfhumu Nungungulu a nyi rumede guya Jeriko.” Aholu uye a di khuye: “Nyi ngu sambanya khu Pfhumu Nungungulu a vbanyago, ni hefemulo wago gukheni, gima kha nyi na nga gu diga.” Khu guralo, va di hongola Jeriko.

2 Dzipfhumu 2:6

Eliya a di embela Elizewu, khuye: “Khala avba, kholu Pfhumu Nungungulu a nyi rumede gu hongola Joridhani.” Aholu uye a di mu hakha, khuye: “Nyi ngu sambanya khu Pfhumu Nungungulu a vbanyago ni hefemulo wago gukheni, gima kha nyi na nga gu diga.” Khu guralo, va di hongola gumogo.

2 Dzipfhumu 4:30

Aholu, mayi wa gyanana a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wangu, kheni: Gima kha nyi na gu diga.” Khavbo avbo, uye a di khuga a mu landra.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

1 Johane 2:19

Khu lisine, avo va dugide gwathu; kholu khandri va tsawa wathu. Nari pwani va diri va tsawa wathu, na va khade ni ethu. Aholu, avo va dugide, va gu yeyedza kharato lisine nya gupwani kha va lumbi tsawa wathu.

1 Samuweli 1:26

Ana a di mu embela, khuye: “Yingisa mune wangu, nyi ngu sambanya khu womi wago, eni kheni nyamayi wule nyi nga bani nyi lombelela ga Pfhumu Nungungulu vbafuvbi nago.

1 Samuweli 17:55

Avbo Sawule a nga wonago Dhavhidhe na duga gu yela Mufilisitiya, a di wudzisa Abhineri, muthangeli nya nyimbi, khuye: “Abhineri, gasi mwamana wule lidzaha la mani.” Abhineri a di mu hakha, khuye: “Nyi ngu sambanya khu lisine kha nga u vbanyago uwe pfhumu, gukheni, kha nyi muti.”

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.