2 Dzipfhumu 2:15 - Bhibhiliya Nya Guage

¹⁵ Vapizane va vaprofeti va nga bani va khade thonono ni Jeriko, na va mu wone, va di khavo: “Liphuvbo la Eliya li mbakide vbatshani ga Elizewu.” Va di mu khinga va ya mu khidzimela va thega khu dzikhovbe mbeli gwaye.

2 Dzipfhumu 2:15 Iomraidhean Croise

1 Dzipfhumu 19:16

Todza gambe Jewu, mwamana wa Nisi, a khala mufumeli wa Israyeli, ni Elizewu mwamana wa Safati, wa Abheli-Meyola, a khala muprofeti wulangani gwago.

1 Dzipfhumu 20:35

Moyo nya sanana sa vaprofeti, khu guruma ga Pfhumu Nungungulu, a di embela moyo nya vabangaladzi vaye, khuye: “Nyi vete gibhakela; aholu mwama wule a di bomba gu mu veta.

2 Dzipfhumu 2:19

Vathu nya gukari va dhoropani, va di embela Elizewu, khavo: “Makhalelo nya lidhoropa leli ma mburide, kha nga idzo uwe mune wangu u li wonago khidzo; aholu mati yakone khandri yadi ni mafu yakone gyumba.”

2 Dzipfhumu 2:7

Avo va nga hongola va diri livbandre magumi vama nya sanana sa vaprofeti, va ya ema khu hwindzo gwawe va khedzana navo, avo navo khu wuvili wawe va ema khu bambe ga Joridhani.

2 Dzipfhumu 4:37

Nyamayi a di bela ata khidzima migondroni gwaye a noga kala vbavbatshi; a dzega gyanana gyaye a duga vbavbandze.

2 Dzipfhumu 5:22

Geyazi a di hakha, khuye: “Gwadi! Mune wangu a nyi rumide, kholu: Va vbohide vapfhumba vatago khu gigomoni gya Efrayimi, nya madzaha mavili nya vapizane va vaprofeti; va ninge taleta mweyo nya parata ni dzingandzu dzimbili.”

2 Dzipfhumu 9:1

Khavbo avbo, muprofeti Elizewu a di rana moyo nya vapizane va vaprofeti a mu embela, khuye: “Hunga giwunu gyago khu libhandri, u phara mandzani gwago kheho yeyi nya mafura u hongola Ramoti-Gileyadhi;

Isaya 11:2

Liphuvbo la Pfhumu Nungungulu, li na mbaka vbatshani gwaye, a gu Liphuvbo nya guti ni mapimo, Liphuvbo nya wusingalagadzi ni tshivba, Liphuvbo nya wugengeli ni githawo ga Pfhumu Nungungulu.

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Amosi 7:14

Amosi a di hakha a embela Amaziya, khuye: Eni nyi di siri muprofeti, ambari gyanana gya muprofeti; aholu nyi diri muhavisi nya dzimombe ni musayisi nya miguhu.

Mitengo 27:20

Mu ninge gipandre nya thumo wago, gasi tshangano watshavbo wa na Israyeli wu kodze gu mu yingisa.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

2 Vakorinto 12:9

Aholu, uye a di nyi hakha, khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.

Josuwa 3:7

Pfhumu Nungungulu a di embela Josuwa, khuye: “Muhuno nyi na phela gu gu khusedza mbeli ga vatshavbo va na Israyeli, gasi va dziti nya gukhavo, kha nga nyi nga bani nyiri ni Mosi, kharato gambe nyi na bani nyiri nago.

Josuwa 4:14

Khu litshigu lile kamwe, Pfhumu Nungungulu a di khusedza Josuwa mbeli ga va na Israyeli vatshavbo, ni vatshavbo va di mu ninga githawo kha nga idzo va nga bani va ninga khidzo Mosi na nga gu vbanya.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

1 Samuweli 10:5

Khavbo avbo, u na hongola gigomoni gya Nungungulu, avbo gu gu ni lizumbo nya vawoneleli va Vafilisitiya; gikhati u na belago dhoropani, u na tshangana ni tsawa nya vaprofeti na va gu tshiga khu gigomoni, na va thangedwe khu vawombi nya dzimbila, dzingoma, misengele ni sitendre, na va guprofeta.