2 Dzipfhumu 2:11 - Bhibhiliya Nya Guage

¹¹ Gikhati va nga bani va longoloka gumogo ni gu bhula, gu di wonega kareta nya nilo ni dzikavalu nya nilo, dzi ta va hambanisa va vavili, Eliya a di khusedzedwa ndzadzini khumo nya gipupwane.

2 Dzipfhumu 2:11 Iomraidhean Croise

Genesi 5:24

Enoki a di landrisa gugola ga Nungungulu gikhati gyatshavbo, a di mwalalega nyamba wonwa gambe. Kholu Nungungulu a di mu dzega aya khala naye.

2 Dzipfhumu 2:1

Avbo Pfhumu Nungungulu a nga vbweta gu dzega Eliya a mu yisa ndzadzini khu gipupwane, Eliya a di khuga khu Ghiligali nari ni Elizewu.

2 Dzipfhumu 6:17

Elizewu a di lombelela a ganela, khuye: “Pfhumu Nungungulu, nyi ngu lomba gukheni U mu tule maho, gasi a wone.” Pfhumu Nungungulu a di tula maho ya githumi gi wona; khavbo avbo, a di wona gigomo na gi tade khu dzikavalu ni dzikareta nya nilo na dzi randrede Elizewu.

Dzindzimo 68:17

Nungungulu khugide khu gigomoni gya Sinayi, nari ni mazanazana nya dzikareta nya nyimbi, aya bela makhuvini nya Nyumba yaye nya guage.

Habhakuka 3:8

Ina kamwe uwe Pfhumu Nungungulu wa gu dwana ni mitsongo, gani? Mwendro likhulo lago u di wugela sitsongwana, upwa giviti khu linene, olu u khilelago dzikavalu dzago, u gimbila khu dzikareta dzago nya gupale.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Marko 16:19

Hwane nya gu bani na ganede navo, Pfhumu Jesu, a di khusedzedwa Ndzadzini, aya khala nyamudye ga Nungungulu.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Gutuledwa 11:12

Khavbo avbo, va dipwa lito na li gu ganela khu tshivba ni tshivba li guta khu ndzadzini, li va embela, khilo: “Litani muta eno!” Va di lita vaya ndzadzini, vari vbakari nya mapfhi, na va gu wonwa khu valala vawe.