2 Dzipfhumu 19:7 - Bhibhiliya Nya Guage

⁷ Eni nyi na mu thela limbe liphuvbo, gasi avbo a na gu pwago mahungu nya gukari, uye a na bwelela tigoni gwawe; Eni nyi na mu sasela khu litshari tigoni gwawe.”

2 Dzipfhumu 19:7 Iomraidhean Croise

2 Dzipfhumu 19:28

Khu kotani nya olu u gu ni likhulo ngudzu khu eni, kholu gu nyi wugela gwago, gu litide kala dzindzeveni gwangu khu guralo, nyi na gu thela khalo dzithonvuni gwago, ni matamo kanani gwago, nyi bwelo khavbo nyi gu bweledza khu ndzila u dzudego khiyo.”

2 Dzipfhumu 19:33

Pfhumu Nungungulu a ngu ganela, khuye: “Khu ndzila a natago khiyo, a na bwelela gambe khiyo; Gima kha na bela dhoropani momu.

2 Dzipfhumu 7:6

Kholu Pfhumu, a di pwadza lizumboni ga Vaasiriya, ligwaha nya dzikareta ni dzikavalu, kha nga ligwaha nya gikwata nya gikhongolo nya masotshwa; avbo va nga embelana khu gyawe, khavo: “Dzi woneleni kholu mufumeli wa Israyeli, a hi rambede vafumeli nya Vahiti ni vafumeli va Egipito guta hi sasela.”

2 Dzikoronika 32:21

Khavbo avbo, Pfhumu Nungungulu a di rumela ngilozi yi ta sasela vama vatshavbo nya dzindrena, manganagana, vathangeli, lizumboni la mufumeli wa Asiriya. Khavbo avbo, uye a di bwelela tigoni gwaye khovbe yaye na yi tade khu dzitshoni; avbo a nga bani na gu bela nyumbani ga vanungungulu vaye, sanana nya gudugele mahembeni gwaye, si di dzegela gu mu songa khu litshari vbamwanyatunu.

Joba 15:21

Gikhati gyatshavbo dzindzeveni gwaye, gupwala malito nya guthise; ambari gikhatini nya gurule, uye a gu dhumedwa khu vaphangi.

Joba 4:9

Khu furugedzo basi nya phuvbo ya Nungungulu, va na mbembiswa; vafa khu phuvbo nya likhulo laye.

Dzindzimo 11:6

A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Dzindzimo 94:23

Va nya guvivba va na mbembiswa khu sighoho sawe, va wugedwa khu mithumo yawe, Pfhumu Nungungulu wathu a na va vbedza kamwe!

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Jeremiya 49:14

Nyi pwide mahungu na ma guta khu ga Pfhumu Nungungulu; rumede mwango ga mayigo a ma embela, khuye: “Tshanganani, mu mu wugela, hongoleni hi ya mu dwanisa!”

Jeremiya 51:1

Pfhumu Nungungulu a ngu ganela kharati, khuye: Wonani nya gukhenu nyi na rumela liphuvbo nya gu sasele li ta sasela litigo la Bhabhiloni, gumogo ni vavbanyi vaye.

Jeremiya 51:46

Mu nga pilegi hwambo mu thava khu gupwa iso si na gu ganedwago tigoni ga Bhabhiloni, kholu khu mwaga yoyu, mu napwa esi; wumbe mupwa sile, ni ghudzeghudze tigoni, mufumeli a na wugela mufumeli kwawe.

Obhadhiya 1:1

Giwoniso gya Obhadhiya. Pfhumu Nungungulu a ngu ganela kharati khu kotani ya Edhomi, khuye: “Hi pwide magana ya Pfhumu Nungungulu ni moyo nya girumwa a rumedwego ga mayigo ya vbavbandze, a ganela, khuye: Khugani mu eme! Hongoleni hi wugela Edhomi hi ya mu sasela.