2 Dzipfhumu 19:4 - Bhibhiliya Nya Guage

⁴ A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

2 Dzipfhumu 19:4 Iomraidhean Croise

Genesi 22:14

Abrahama a di rana wulanga wule khuye: “Pfhumu Nungungulu a na ninga phindrulo.” Kala na muhuno gu ganedwa gupwani: “Gigomoni a ningago phindrulo Pfhumu Nungungulu.”

2 Samuweli 16:12

A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

2 Dzipfhumu 18:13

Khu mwaga nya likhumi na wu na nya gufume ga Ezekhiya, Senakerebhi, mufumeli wa Asiriya, a di gwela guta sasela madhoropa yatshavbo nya makhokhola ya Judha, a ma wandra.

2 Dzipfhumu 19:16

Olu Pfhumu Nungungulu, neredza ndzeve yago u nyi yingisa! Olu tula maho, Pfhumu ma wona! Yingisa Pfhumu magana ya Senakerebhi, a ma rumedego guta vala Nungungulu a vbanyago.

2 Dzipfhumu 19:22

Khu mani u mu vadego ni gu mu tsorodzela? Khu mani u mu khusedzedego lito? Khu mani u mu ronogedego? U vbweta gu dwana ni uye a Agidego wa Israyeli.

2 Dzipfhumu 19:23

Khu magana nya myango yago u tsorodzede Pfhumu Nungungulu, u ganela, khuwe: Ni gutala nya dzikareta dzangu, nyi ngu gwela dzitshokhani nya sigomo, vbatshani nya dzitshokha nya sigomo sa Libhanoni, nyi ya pila misimbo yaye nya gulaphe nya sedhari, ni migure yaye nya wumburi, ni mahegiso nya malanga yaye, nyi bela kala mahegiso nya sihuru sa Thembweni gwaye nya wumburi.

2 Dzipfhumu 19:3

Vaya mu embela kharati, khavo: “Ezekhiya a ngu ganela, khuye: Litshigu leli, litshigu nya wuvi, nya gukawukwe ni dzitshoni; kholu sanana si ngu vbweta gu duga khu ndrani, aholu tshivba nya guvelege yi mwalo.

2 Dzipfhumu 19:30

Mitshaledwa ya nyumbani ga Judha, avo va na vbulugago, yi na engedza yi tsitsa mikhamba mafuni, yi thela mihandro matamoni.

2 Dzipfhumu 19:31

Kholu khu Jerusalema gu na duga mitshaledwa, gasi khu gigomoni gya Siyoni gu duga avo va vbulugidego; isoso si na girega khu kotani nya gukhathale nya idzo a khathalago khidzo Pfhumu Nungungulu.

2 Dzipfhumu 19:5

Sithumi sa mufumeli Ezekhiya si diya ga Isaya,

2 Dzikoronika 32:20

Aholu mufumeli Ezekhiya ni muprofeti Isaya, mwamana wa Amosi, va di lombelela khu mahungu yaya, va lomba giphaso gya ndzadzini.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 50:21

U giride silo sesi, aholu eni nyi di degula; u di gu pimisa gukhuwe eni nya gufanane nago; aholu eni nyi na gu lamula nyi gu ninga nandru.

Dzindzimo 74:18

Pfhumu Nungungulu, dziti gukhuwe valala vago va ngu gu vala, vathu nya sipumbu va ngu ganela guvivba khu lina lago.

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Jeremiya 23:36

Aholu mu nga ganeli gambe khu rwalo wa Pfhumu Nungungulu; kholu muthu ni muthu a na lemedwa khu magana yaye; kholu mu hambanisago ndzila nya magana ya Nungungulu a vbanyago, ya Pfhumu Nungungulu nya Tshivba Yatshavbo, Nungungulu wathu.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Jeremiya 42:9

Khavbo avbo, a di va embela, khuye: Pfhumu Nungungulu wa Israyeli, uye mu nga nyi rumelani gwaye guya gira gilombo gyanu, a ngu ganela kharati, khuye:

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Varoma 11:5

Khidzo gambe kharato ni matshiguni ya muhuno, womo tengo wudugwana nya vale Nungungulu a va hathidego khu wuhindzi waye.

Varoma 9:27

Isaya nuye a ngu ganela, na gu thula Israyeli, khuye. “Ambari tengo nya vathu va Israyeli wu tala kha nga fungo wa phwani, gu na vbanyiswa basi vadugwana.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Josuwa 14:12

Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.

Josuwa 3:10

A engedza gambe, khuye: “Kharato mu na dzitini nya gukhenu Nungungulu a vbanyago womo vbakari gwanu, Uye gima kha na diga gu bhobha mbeli gwanu Vakhanani, Vahiti, Vahevhi, Vaperezi, Vagerezi, Vaamori, ni Vajebhuzi.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”

1 Samuweli 17:10

A engedza gambe, khuye: “Nyi ngu lomba muhuno ni gu kanyisa masotshwa ya Israyeli, kheni: Nyi rumeleni mwama moyo, gasi hi ta dwana hekha, eni ni uye!”

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:45

Khu guralo, Dhavhidhe a di embela Mufilisitiya, khuye: “Uwe wa guta gwangu u ta nyi dwanisa na wuri ni litshari, ni giholoma gumogo ni sighalala nya sugu, aholu eni nya guta gwago khu lina la Pfhumu Nungungulu nya Tshivba Yatshavbo, Nungungulu nya Dzitshivba dza Israyeli, Uye uwe u mu vadego.