2 Dzipfhumu 19:3 - Bhibhiliya Nya Guage

³ Vaya mu embela kharati, khavo: “Ezekhiya a ngu ganela, khuye: Litshigu leli, litshigu nya wuvi, nya gukawukwe ni dzitshoni; kholu sanana si ngu vbweta gu duga khu ndrani, aholu tshivba nya guvelege yi mwalo.

2 Dzipfhumu 19:3 Iomraidhean Croise

2 Dzipfhumu 18:29

Wari, khuye: A nga mu pfhadzi Ezekhiya; kholu kha na mi vbulugisa mandzani gwangu;

2 Dzipfhumu 19:2

Khavbo avbo, a di rumela Eliyakimi, ndruna ya nyumbani ga mufumeli, ni mulovi Sebhina, ni madhota ya vaphasi nya mhamba na va ambade silendra, ga muprofeti Isaya, mwamana wa Amosi.

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

Dzindzimo 39:11

U ngu hevbudza muthu khu gu mu tsayisa khu sihoso saye, u tshungunula dzithomba dzaye kha nga muhwa; muthu watshavbo furugedzo basi.

Dzindzimo 95:8

mu nga bangisi myonyo yanu, kha nga edzi va nga gira vababe vanu tigoni gwa Meribha litshigu lile nya masaha giwulani.

Isaya 66:9

Pfhumu Nungungulu a ngu wudzisa, khuye: “Ina Eni nyi sayisago nyamayi gikhati nya gudandrise mimba yaye nyi na padwa khu gu mu ninga tshivba nya guvelege, gani? Eni nyi hefemudzisago nyi nga dzi kodza gu sega givelegelo, gani? A ngu ganela Nungungulu wago.

Hoseya 13:13

A na vbohedwa khu wuvi nya nga wa nyamayi a lumwago, kholu uye gyanana nyamba yingisa, gya gu vboha gikhati, kha dugi khu rumbuni a nga sihalago umo.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.