2 Dzipfhumu 19:12 - Bhibhiliya Nya Guage

¹² Ina mayigo yoyo, ma mbembisidwego khu vababe vangu, ma vbulugisidwe khu vanungungulu vawe: Nya nga Gozani, Harani, Rezefi ni ga sanana sa Edheni, si nga bani siri tigoni ga Telasari, gani?

2 Dzipfhumu 19:12 Iomraidhean Croise

Genesi 11:31

Khavbo avbo, Tera a di khuga khu Uri, a gu dzega mwanaye Abrahama gumogo ni gitugulwana gyaye Loti, gyanana gya Harani, ni ngadzamwane waye Sarayi, mwangadzi wa Abrahama, va gu hongola tigoni ga Khanani. Aholu na va vbohide dhoropani ga Harani, va di vbaha umo va gu khala.

Genesi 11:32

Tera vbanyide kala gutshanganisa tanga nya mazana mavili ni livbandre (205) myaga a gufa dhoropani ga Harani.

Genesi 2:8

Pfhumu Nungungulu a di yala lithembwe Edheni, khu phuvbo ga Khugadambo a gu vega umo muthu a nga mu wumbago.

Genesi 29:4

Jakobe a di wudzisa vahavisi, khuye: “Mwa guta khu hayini vandriyangu?” Avo va di hakha, khavo: “Ethu ha guta khu Harani.”

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

2 Dzipfhumu 19:11

Uwe u pwide iso si giridwego ga mayigo yatshavbo khu vafumeli va Asiriya, idzo ma nga mbembiswago khidzo; ina uwe u na vbuluga, gani?

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

Isaya 37:12

Ina vanungungulu nya mayigo yaya va vbulugiside mayigo ma pfhungumudwego khu vababe vangu gani, a gu aya: Gozani, Harani, Resefe gumogo ni sanana sa Edheni, va nga bani na va gu vbanya tigoni ga Telasari, gani?

Ezekiyeli 27:23

Harani, Kani ni Edheni, varengisi va Sabhani, Asuri ni Kilimadhi va giride wugwewo nago.

Mithumo 7:4

Khavbo avbo, a di rura tigoni nya Vakalidhiya aya vbaha Arani. Hwane nya gu na fedwe khu babe waye, Nungungulu a di mu resa tigoni momu mu vbanyelago umo enu muhuno.