2 Dzipfhumu 19:1 - Bhibhiliya Nya Guage

¹ Avbo mufumeli Ezekhiya a ngapwago satshavbo sesi, a di pferula dzingandzu dzaye, a ambala gilendra a bela Nyumbani ga Pfhumu Nungungulu.

2 Dzipfhumu 19:1 Iomraidhean Croise

Genesi 37:34

Khavbo avbo, Jakobe a di pferulela dzingandzu dzaye, a gu hunga libhandri nya miba giwununi, a ambala silendra nya gulile gyanana gyaye, matshigu nya gulaphe ngudzu.

1 Dzipfhumu 21:27

Avbo Akabi, a ngapwago magana yaya, a di pferula ngandzu yaye a ambala saku a hala; a di lala vbasakutunu a vbisega ni guvbela tshivba.

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

2 Dzipfhumu 18:37

Khavbo avbo, Eliyakimi, mwamana wa Hilikiya, ndruna ya ndrangani ga mufumeli, ni mulovi Sebhina, ni Jowa, mwamana wa Asafi, musayisi nya mabhuku nya matimo, va dita ga Ezekhiya, na va pferude dzingandzu dzawe, vata mu embeledzela magana ya Rabhisaki.

2 Dzipfhumu 5:7

Avbo mufumeli wa Israyeli, a nga hevbulago lidangalila leli, a di pferula dzingandzu dzaye, a ganela, khuye: “Gasi eni nyo va Nungungulu nya gusonge ni guvbanyisa, nya gukala uye a nyi rumela mwama yoyu gukhuye nyi na mu vbanyise sokono yaye, gani? Wonani nya gukhenu a gu vbweta mano nya gu nyi dwanise.”

2 Dzipfhumu 6:30

Mufumeli na pwide magana ya nyamayi yoyu, a di pferula dzingandzu dzaye, na gu vbindra khu vbatshani nya ndzari, vathu va di mu wona gukhavo uye a di ambade dzingandzu nya gilendra a gira githangiso.

Ezira 9:3

Na nyi pwide silo nya nga esi, nyi di pferula dzingandzu dzangu ni gifenengelo gyangu nyi vbalula ni ndzudzu wa hungoni gwangu ni giledzu gyangu, nyi khala vbavbatshi na nyi tade khu guswihala.

Dzindzimo 35:13

Gikhati avo va nga manwa khu madwali, eni nyi di ambala silendra nyi hala nyamba hodza gilo, nyi di wuyelela gu gira nombelo na nyi gu nogide,

Isaya 37:37

Khavbo avbo, Senakeribhi, mufumeli wa Asiriya, a di khuga a bwelela, aya khala tigoni ga Ninivha.

Jeremiya 36:24

Mufumeli ni manganagana yaye, ambari avbo va ngapwago magana yaya, kha va thurugiswa khayo va pferula dzingandzu dzawe va lila.

Jona 3:5

Vathu va Ninivha va di khodwa ga Nungungulu, va emisa litshigu nya guhale, va ambala dzisaku, gukhugela avo nya vakhongolo kala avo nya vadugwane.

Jona 3:8

Aholu, vathu ni sirengo va na ambale dzisaku, va lila khu tshivba yawe yatshavbo ga Nungungulu. Muthu ni muthu a leya ndzilani gwaye nya guvivbe a hambane ni wughevenga wa mandzani gwaye.

Matewu 11:21

“Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Matewu 26:65

Khavbo avbo, Muphasi nya Khongolo a di pferula dzingandzu dzaye, na gukhuye: “Hembulude Nungungulu! Wufakazi muni hi wu vbwetago gambe? Mu ngari gu mupwa ni guhembulula Nungungulu.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

1 Samuweli 4:12

Ga litshigu lolo la limwedo, mwama moyo nya lihundzu la na Bhejami, a di vbuluga nyimbitunu, a thava , a hongola tigoni ga Silo, guambala gwaye na gu pferugede, hungoni na gu kunede khu kudzudzwane.