2 Dzipfhumu 18:9 - Bhibhiliya Nya Guage

⁹ Khu mwaga nya wu na nya gufume ga mufumeli Ezekhiya, a diri mwaga nya livbandre na wuvili nya gufume ga Ozeya, mwamana wa Ela, mufumeli wa Israyeli; Salimaneseri, mufumeli wa Asiriya a di ta randrela lidhoropa la Samariya a li dhumela.

2 Dzipfhumu 18:9 Iomraidhean Croise

2 Dzipfhumu 18:1

Khu mwaga nya wuraru nya gufume ga Ozeya, mwamana wa Ela, mufumeli wa Israyeli; a di phela gufuma Ezekhiya, mwamana wa Akazi, mufumeli wa Judha.

Isaya 36:17

Kala nyi ta mi dzega nyi mi yisa ga litigo lile li fananago ni lanu, li gu litigo nya tirigu ni vbinyu nya gugire khiyo sibaba ni marembwe ma ningago mihandro nya yadi.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Hoseya 10:14

Khu guralo, vbakari nya vathu vago, gu na duga ghudzeghudze nya nyimbi, makhokhola yago yatshavbo ma na khungumudwa, kha nga Salamani a nga pfhungumula Bheti-Aribheli khu litshigu nya nyimbi, avbo mayime a nga vbadzuledwa gumogo ni sanana saye.

Mikeya 1:6

Khu guralo, nyi na gira gu Samariya a khala litala nya siwindri sa khabini, wulanga nya gu yale misimbo nya vhinya; siwindri saye si na thindriligela kovani, kala nyi tugula giseketelo gyaye.