2 Dzipfhumu 18:7 - Bhibhiliya Nya Guage

⁷ Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

2 Dzipfhumu 18:7 Iomraidhean Croise

Genesi 21:22

Matshigu yale, Abhimeleki a dita ni Fikoli, muthangeli nya dzinyimbi, ata embela Abrahama, khuye: “Nungungulu a ngu gu kategisa ga satshavbo u girago.

2 Samuweli 8:14

A di vega sikwata nya masotshwa nya gu ghadhi tigoni ga Edhomi, vatshavbo va na Edhomi va di khala sithumi sa Dhavhidhe, ni Pfhumu Nungungulu a di ninga tshivba Dhavhidhe nya gupale gwatshavbo umo a nga bani na gu vbindra khumo.

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

2 Dzipfhumu 16:7

Akazi a di rumela myango ga Tigalati-Pileseri, mufumeli wa Asiriya, a mu embela, khuye: “Eni nyi githumi gyago ni gyanana gyago, gwela u ta nyi vbulugisa mandzani ga mufumeli wa Siriya ni mandzani ga mufumeli wa Israyeli, va nyi wugedego va nyi dhumela.”

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzipfhumu 18:14

Khavbo avbo, Ezekhiya mufumeli wa Judha, a di rumela myango ga mufumeli wa Asiriya tigoni gwa Lakisi, khuye: “Nyi ghohide. Nyi dige. Ni gevbini u na gu gi vegago avbo gwangu, nyi na gi rwala.” Khavbo avbo, mufumeli wa Asiriya a di rwega Ezekhiya, mufumeli wa Judha, nandru nya gulivbe mazana mararu (300) nya dzitaleta nya parata ni magumararu dzitaleta nya ndralama.

2 Dzipfhumu 18:20

Wa gu alakanya gukhuwe magana ma dugago khu kanani gwago, ma na ni giphaso ni wugengeli ni tshivba nya gudwane nyimbi, gani? Gasi wa gu tumba mani olu u tiyago gu nyi wugela.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 31:21

Ni ga thumo watshavbo a wu phedego nya Nyumba ya Nungungulu, nya Nayo nuwo nya sileletelo, gasi guvbweta Nungungulu waye khu monyo waye watshavbo. A di dugelela ga silo saye satshavbo.

2 Dzikoronika 32:30

Khuye gambe Ezekhiya wa moyo, a nga sega khu vbatshani mati nya tsongo wa Giyoni a wu gimbidzisa khu vbavbatshi khu ndzila nya gululame, khu phuvbo ga Khugadambo nya Didhoropa la Dhavhidhe, a di dugelela ga mithumo yaye yatshavbo.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 60:12

Nungungulu a na ema ni ethu hi pala, khuye a na gu gandredzelago valala vathu.

Isaya 33:6

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo Pfhumu Nungungulu.

Isaya 36:5

Uwe wari khuwe u na ni mano nya gudwane nyimbi, nari gu magana yago khya wupemi. Gasi uwe wa gutumba mani nya gukala u vbweta gu dwana ni eni?

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Valamuli 1:19

Pfhumu Nungungulu a diri ni Judha, uye a di tutumisa vavbanyi va mugigomoni, aholu vavbanyi va panini, kha nga va tutumisa, kholu va diri ni dzikareta nya dzisimbi.

1 Samuweli 18:14

Dhavhidhe a di dugelela ga satshavbo a nga bani na gu gira, kholu uye a diri ni Pfhumu Nungungulu.

1 Samuweli 18:5

Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.