2 Dzipfhumu 18:5 - Bhibhiliya Nya Guage5 Ezekhiya a di tumba Pfhumu Nungungulu wa Israyeli, vbakari ga vafumeli vatshavbo va na Judha gu diri mwalo uye a nga bani a fanana naye, ambari avo va fumidego hwane gwaye. Faic an caibideil |
Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga Pfhumu Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.
Asa a di womba huwa a rana Pfhumu Nungungulu waye, a ganela, khuye: Pfhumu Nungungulu, vbavbandze gwago, mwalo mumbe a kodzago guphasedzela avo va gu mwalo tshivba, va gu wugedwa khavo va gu ni tshivba. Hi phase Uwe Pfhumu Nungungulu wathu, kholu ethu ha gutumba Uwe, hi somide nyimbi yeyi Linani gwago, guta dwana ni mwandra yoyu; Pfhumu Nungungulu, Uwe, khuwe Nungungulu wathu, a nga manegi muthu nya gu gupale.
Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.
Aholu, wa gu nyi embela, khuwe: Ha gu tumba Pfhumu Nungungulu wathu, eni nyi ngu mi wudzisa kheni, khandri uye Nungungulu yoyu malangani yaye nya guage ni siluvelo saye si nga dusedwa khu Ezekhiya, a ruma vathu va Judha ni Jerusalema gukhuye va gire basi milombelo vbagiluvelotunu gya Jerusalema, gani?