2 Dzipfhumu 18:3 - Bhibhiliya Nya Guage

³ A di thuma mithumo nya gululame mahoni ga Pfhumu Nungungulu, kha nga satshavbo a nga girago babe waye Dhavhidhe.

2 Dzipfhumu 18:3 Iomraidhean Croise

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 15:11

Asa thumide mithumo nya gululame mbeli ga Pfhumu Nungungulu, kha nga kokwe waye Dhavhidhe.

1 Dzipfhumu 15:5

Kholu Dhavhidhe a di gimbide khu ndzila nya gululame mbeli ga Pfhumu Nungungulu, gima kha nga ndreya ga sileletelo satshavbo, matshigu yatshavbo nya guvbanye gwaye, vbavbandze basi ga iso si nga mu dugelelago ga Uriya nya lifumbu nya Muhiti.

1 Dzipfhumu 3:14

Wa gu gimbila khu dzindzila dzangu, u sayisa sileletelo ni milayo yangu, kha nga babe wago Dhavhidhe, nyi na gu ninga guvbanya matshigu nya gulaphe.”

2 Dzipfhumu 12:3

Ambari khu kharato, malangani nya sigomo kha nga ma dusa; kholu vathu va di nga gu simama gu ya gira miphaselo ni gu vbisa libani malangani nya gukhugege.

2 Dzipfhumu 14:3

A di thuma mithumo nya gululame mahoni ga Pfhumu Nungungulu, ambari a nga bani a si vbohi ga babe waye Dhavhidhe, aholu a di thuma kha nga idzo a nga bani a gira babe waye Jowasi.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

2 Dzipfhumu 22:2

A di thuma mithumo nya gululame mahoni ga Pfhumu Nungungulu, a di landrisa khu gutumbega dzindzila dza babe waye Dhavhidhe, nyamba ndreyela nyamudye ambari nyambade.

2 Dzikoronika 29:2

Uye a di gira ugo gu lulamidego mahoni ga Pfhumu Nungungulu, kha nga satshavbo esi si nga girwago khu babe waye Dhavhidhe.

Joba 33:27

Khu hwane a na wona vathu a ganela, khuye: Nyi ghohide khu gumba landrisa nayo, aholu uye kha nyi tsayisa gulandra khu sighoho sangu.

Dzindzimo 119:128

Khu guralo, nyi ngu wona gukheni sileletelo sago si lulamide, nyi ngu vengana ni dzindzila dzatshavbo nya malipha. Phe

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Isaya 38:3

a ganela, khuye: “Dundruga Pfhumu Nungungulu, idzo nyi vbanyidego khidzo khu gutumbega ni monyo wu agidego, ni gu thuma mithumo nya gululame mbeli gwago.” Ezekhiya a di lila khu wuvi waye watshavbo.

Varoma 7:12

Nayo wu agide, ni sileletelo saye niso si agide, si lulamide, khyadi.

Vaefeso 6:1

Enu sanana, khu lina la Kristo, yingelani vavelegi vanu, kholu khidzo gu vbwetegago khidzo.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 6:18

U na thuma ugo nya gwadi gu lulamidego mahoni ga Pfhumu Nungungulu, gasi si gu dugele gwadi, u bela u fumela litigo nya ladi eli Pfhumu Nungungulu, khu gusambanya a tumbisidego gu ninga ga vababe vago,