2 Dzipfhumu 18:12 - Bhibhiliya Nya Guage

¹² Esi si giregide kholu va ngamba yingisa lito la Pfhumu Nungungulu wawe, aholu va di hambanisa gidzumeledzwano gyaye ni sileletelo satshavbo va nga leletedwago khu Mosi, githumi gya Pfhumu Nungungulu, gima kha va nga si yingisa ambari gu si gira.

2 Dzipfhumu 18:12 Iomraidhean Croise

1 Dzipfhumu 9:6

Aholu enu, gumogo ni sanana sanu, mwa gu nyi pfhurarela, mu diga gu sayisa milayo ni sileletelo sangu, nyi si vegidego mbeli gwanu, aholu, mu khozela vambe vanungungulu mu va khidzimela,

2 Dzipfhumu 21:8

Va na Israyeli va gu sayisa sileletelo sangu, kha nga idzo wu lombago khidzo Nayo nyi leletedego ga githumi gyangu Mosi; gima kha nyi na dzumela gukheni migondro yawe yi duswe tigoni nyi ningidego vababe vawe.”

Nehemiya 9:17

Va di bomba gu gu yingisa, va si alakanyi gambe siliwugiso U giridego vbakari gwawe, va di bangisa mihungo yawe, khu guyeyisa gwawe, va di dzi hathela muthu gasi a va thangela gu bwelela wugumbitunu, aholu uwe, U Nungungulu U dzi emisedego gu tsetselela, na wuri ni wuhigo, nu tade khu wuhindzi, U hwelago gu goroga na wu tade khu wuhindzi, khu guralo, Uwe khwa va pfhuralela.

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Dzindzimo 78:10

Kha va landrisa gidzumeledzwano gya Nungungulu, va di bomba gu landrisa milayo yaye.

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Isaya 1:19

Mwa gu bani mu dzi emisede gu nyi yingisa, mu na hodza nya sadi sa tigoni momu.

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Ezekiyeli 11:12

Mu na dziti nya gukhenu kheni Pfhumu Nungungulu, kholu kha mwa thuma gukhedza khu sileletelo sangu, ambari gu yingisa milayo yangu; gambe mu sayiside sileletelo nya mayigo nya vaakelane vanu.”

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Mitengo 12:7

Aholu kha nyi giri kharato ga Mosi, githumi gyangu; uye tumbegide nyumbani gwangu gwatshavbo.

Dhewuteronome 11:28

givalo, mwa gumba landrisani milayo ya Pfhumu Nungungulu wanu, mu diga ndzila eyi muhuno nyi mi leletelago, mu landra vambe vanungungulu mu si vatigo.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?

Dhewuteronome 34:5

Mosi, githumi gya Nungungulu, a difa avbo vbale, tigoni gwa Mowabhi kha nga idzo a ganedego khidzo Pfhumu Nungungulu.

Dhewuteronome 8:20

U na mbemba gu fanana ni mayigo ma mbembisidwego mbeli gwanu khu Pfhumu Nungungulu; kholu kha wa vbweta gu yingisa lito la Pfhumu Nungungulu wanu.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

2 Thimoti 2:24

Oyu a guromo thumoni wa Pfhumu mwalo fanelo nya gubele nuye mihambanoni. Aholu, gu vbwetega gu pwanana ni vathu vatshavbo khu githawo ni gu kodza gu hevbudza lisine ni gu timisela guvivba gwatshavbo.

Josuwa 1:1

Avbo a ngafago Mosi, githumi gya Pfhumu Nungungulu, Pfhumu Nungungulu a di ganela ga Josuwa, mwamana wa Nuni, githumi gya Mosi, khuye:

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?