2 Dzipfhumu 18:11 - Bhibhiliya Nya Guage

¹¹ Mufumeli wa Asiriya, a di vbagela va na Israyeli a va yisa Asiriya, aya va vega va vbaha Hala ni Habhori vbafuvbi ni tsongo wa Gozani ni madhoropani ya Vamedhi.

2 Dzipfhumu 18:11 Iomraidhean Croise

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

Isaya 37:12

Ina vanungungulu nya mayigo yaya va vbulugiside mayigo ma pfhungumudwego khu vababe vangu gani, a gu aya: Gozani, Harani, Resefe gumogo ni sanana sa Edheni, va nga bani na va gu vbanya tigoni ga Telasari, gani?

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Mithumo 7:43

Mu di rwala tabherinakeli ya Moloki, ni gifananiso nya nyeledzi ya nungungulu Rafani, a gu sifananiso nya gugirwe khu mandza yanu mu fela gu si khozela. Khu nandru yoyo, nyi na mi vbagedzisa mu yiswa hwindzo guvbindra Bhabhiloni.’

Amosi 5:6

Vbwetani Pfhumu Nungungulu, mu na vbanya; gasi a si thegeli ga nyumba ya Josefe kha nga nilo, a yi mbembisa, gu si manegi dhoropani ga Bheteli muthu nya gu wu tshime.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Isaya 10:11

Ina ka, kha nga nyi giridego ga Samariya ni sifananiso saye, kha nyi na dzi kodza gu gira idzosaye ga Jerusalema ni sifananiso saye, gani?”

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

2 Dzipfhumu 19:11

Uwe u pwide iso si giridwego ga mayigo yatshavbo khu vafumeli va Asiriya, idzo ma nga mbembiswago khidzo; ina uwe u na vbuluga, gani?

2 Dzipfhumu 21:8

Va na Israyeli va gu sayisa sileletelo sangu, kha nga idzo wu lombago khidzo Nayo nyi leletedego ga githumi gyangu Mosi; gima kha nyi na dzumela gukheni migondro yawe yi duswe tigoni nyi ningidego vababe vawe.”

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

Isaya 36:2

Mufumeli wa Asiriya, a di rumela Rabhisaki, ndruna yaye, nari khu tigoni ga Lakisi, guta Jerusalema, ga mufumeli Ezekhiya, nari ni gikwata nya gikhongolo nya masotshwa; a ta ghova bambe ni sele nya lidhamu nya gulaphe ngudzu, vbafuvbi ni ndzila nya Lithembwe la Muhandzi.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.