2 Dzipfhumu 18:10 - Bhibhiliya Nya Guage

¹⁰ Khu hwane nya myaga miraru va di li wandra, khu mwaga nya livbandre na moyo nya gufume ga Ezekhiya, a nga bani ari mwaga nya livbandre na wu na nya gufume ga Ozeya, mufumeli wa Israyeli, khigyo gikhati va wandridego khigyo Samariya.

2 Dzipfhumu 18:10 Iomraidhean Croise

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Isaya 10:9

Gasi kha sa girega idzosaye ga Kalino ni Karikemisi, gani? Hamati kha giri kha nga Aripadhe, gani? Ni Samariya kha giri kha nga Dhamasiko, gani?

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Amosi 3:11

Khu guralo, Pfhumu Nungungulu, a ngu ganela kharati, khuye: “Nala a na dugelela, a ta randrela litigo lago, a na khungumula likhokhola lago, a phanga dzinyumbani gwago nya wufumu.”

Amosi 6:7

Khu guralo, mu na thangiswa mbeli ga avo va yiswago wugumbitunu; gu vbela ni mibuzo ya avo va nga bani va dzipwa na va tangade.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Mitengo 32:41

Jayiri, mwamana wa Manasi, a diya dzega mitalala yawe a yi ninga lina la Havoti-Jayiri.