2 Dzipfhumu 17:9 - Bhibhiliya Nya Guage

⁹ Va na Israyeli va di girela silo nya gunyenyeze Pfhumu Nungungulu wawe, va vbaha malanga nya gukhugege madhoropani gwawe gwatshavbo, gukhugela dzindrangani dza vakheviseli, kala dhoropani nya likhokhola.

2 Dzipfhumu 17:9 Iomraidhean Croise

2 Dzipfhumu 18:8

Uye a di sasela Vafilistiya kala Gaza ni litigo lakone, gukhugela ga dzinyumba nya vawoneleli kala dhoropani nya likhokhola.

Joba 31:27

mwendro monyo wangu na wu dzumede gu sengwa khu gisihaledza, nyi khusedza mandza nyi si bhejari, nyi si ninga githawo.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Isaya 29:15

Libango ga vathu vale va sihago makungo yawe, va sihela Pfhumu Nungungulu, va gira mithumo yawe mugidemani, na va gu ganela, khavo: “Khu mani a na gu hi wonago, khu mani a hitigo?”

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Dhewuteronome 29:25

va hongola va ya thumela vambe vanungungulu ni gu va khozela; vanungungulu va ngamba vati, avo va ngamba ningwa gu khala thomba yawe.