2 Dzipfhumu 17:8 - Bhibhiliya Nya Guage

⁸ Va landrisela mavbanyelo ya mayigo yale Pfhumu Nungungulu a ma ndreyisidego mbeli ga sanana sa Israyeli ni mikhuwo yi nga girwago khu vafumeli va Israyeli.

2 Dzipfhumu 17:8 Iomraidhean Croise

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

1 Dzipfhumu 21:26

A di gira silo nya sikhongolo nya gunyenyeze, a khozela vanungungulu nya malipha, a landrela iso va girago vaamori, avo va nga tutumiswago khu Pfhumu Nungungulu, mbeli ga va na Israyeli.

2 Dzipfhumu 16:10

Khavbo avbo, mufumeli Akazi, a di hongola Dhamasiko, guya tshangana ni Tigalati-Pileseri, mufumeli wa Asiriya; avbo a nga wonago giluvelo gi nga bani giromo Dhamasiko; mufumeli Akazi a di rumela ga muphasi nya mhamba Uriya, gifananiso nya giluvelo, makhalelo ni mawumbelo yakone.

2 Dzipfhumu 16:3

Kholu a di landrisela dzindzila dza vafumeli va Israyeli; a di vbisa ni gyanana gyaye niloni, a landrela mavbanyelo ya va nya mayigo, ayo Pfhumu Nungungulu a nga ma lundrago mbeli ga sanana sa Israyeli.

2 Dzipfhumu 17:19

Ambari Judha nuye, kha nga vegedza milayo ya Pfhumu Nungungulu waye; va di landrela sihena esi si nga emiswago khu va na Israyeli.

2 Dzipfhumu 17:40

Aholu avo kha va mu yingisa gilo; va di landrisela sihena nya tumbunugo wawe nya guphele.

2 Dzipfhumu 21:2

A di thuma mithumo nya guvivbe mahoni ga Pfhumu Nungungulu, a landrela mavbanyelo nya mayigo ma nga lundrwago khu Pfhumu Nungungulu mbeli ga va na Israyeli, gikhati va nga belago tigoni gwawe.

Dzindzimo 106:35

Aholu va di ya dzi pata gumogo ni va nya mayigo, va gu hevbulela tumbunugo wawe.

Ekisodha 23:24

U nga khidzimi u khozela vanungungulu wawe, u nga pimedzeli gu gira kha nga idzo va girago avo. Aholu uwe u na va songa vatshavbo, u pandrelela sifananiso sawe satshavbo.

Jeremiya 10:2

Pfhumu Nungungulu a ngu ganela kharati, khuye: “Mu nga pimedzeli mavbanyelo ya mambe mayigo, ambari gu thurugiswa khu sisamadziso sa damboni; kholu va nya mayigo va ngu thurugiswa khiso.”

Ezekiyeli 5:6

Khu guralo, khu kotani nya guvivbe gwaye wugede milayo yangu, gumogo ni sileletelo sangu, a gira guvivba guvbindra ni mayigo nya vaakelane vaye. Kholu uye yeyiside milayo yangu, a si landrisi sileletelo sangu.”

Hoseya 5:11

Efrayimi, tshanisidwe a gamwa khu gulamudwa, kholu a di gola gu landrisela sifananiso nyamba phasa gilo.

Levhi 18:3

Mu nga yedzedzelini mavbanyelo ya Vagipiti, tigoni mu vbanyidego umo, gambe mu nga giri kha nga idzo va girago tigoni ga Khanani, tigoni nyi mi yisago iyo, mu nga landriseli mavbanyelo nya tumbunugo wawe.

Levhi 26:1

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Dhewuteronome 18:9

Avbo u na belago ga litigo eli Pfhumu Nungungulu wago, a na gu ningago, u ngayi uya yedzedzela mavbanyelo nya guvivbe ya vathu va tigoni momo.