2 Dzipfhumu 17:7 - Bhibhiliya Nya Guage

⁷ Si giregide kharato, kholu va na Israyeli va di ghohede Pfhumu Nungungulu wawe, Uye a va dusidego khu tigoni ga Egipito, vbavbatshi nya gyandza gya Faro, mufumeli wa Egipito; va khozela vambe vanungungulu.

2 Dzipfhumu 17:7 Iomraidhean Croise

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 15:3

Abhiya a di gira sighoho satshavbo nya gufanane nesi si ghohidwego khu babe waye, uye nasi gu fumi. Monyo waye kha nga tumbega ga Pfhumu Nungungulu waye, kha nga idzo a nga tumbegago khidzo kokwe waye Dhavhidhe.

2 Dzipfhumu 16:2

Akazi a diri ni tanga nya magumavili myaga, gikhati a nga phela gufuma; fumide Jerusalema gipimo nya likhumi na livbandre na moyo myaga; kha nga thuma mithumo nya gululame mahoni ga Pfhumu Nungungulu waye, kha nga babe waye Dhavhidhe.

2 Dzipfhumu 17:35

Pfhumu Nungungulu a di giride gidzumeledzwano navo, a va leletela, khuye: “Kha mu na nga khozela vambe vanungungulu, ambari gu khidzima mbeli gwawe, mu nga va thumeli ambari gu va phasela.

1 Dzikoronika 5:25

Aholu avo va di ghohela Nungungulu wa vababe vawe; va dzi ningela ga vanungungulu va tigoni mule, va nga va wona na va gumbembiswa khu Nungungulu mbeli gwawe.

2 Dzikoronika 36:5

Jeyowakimi a diri ni magumavili na livbandre myaga gikhati a nga phela gu fuma; a di fuma Jerusalema likhumi na moyo myaga, a di thuma ugo guvivbidego mahoni ga Pfhumu Nungungulu waye.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Dzindzimo 78:12

Giride siliwugiso na gu wonwa khu vababe vawe, panini ga Zowani, tigoni ga Egipito.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Jeremiya 10:5

Sifananiso sawe sa gu fanana ni githombe gi vbayegwago thembweni ga mulimi gi thusa sinyoni, aholu gi si ganeligo; si lindrela muthu nya gu si khuse, kholu kha si kodzi gu gimbila; mu nga thusedzedwi khiso, kholu kha si na mi tshongisa; ambari gu mana tshivba nya gu mi gireleni iso nya sadi.

Ezekiyeli 39:24

Nyi va giride gukhedza khu gunyenyeza ni guvivba gwawe, khu guralo, nyi di va sihela khovbe yangu.

Hoseya 12:14

Efrayimi goroside ngudzu Pfhumu Nungungulu, khu guralo, Nungungulu a mu giride a thegedwa hungoni gwaye khu nandru novba a wu vbaladzidego a gu rwala kharato nandru nya gighoho gyaye.

Hoseya 4:12

Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Hoseya 4:13

Va olovede guphasela dzitshokhani nya sigomo, va vbisa mabani musigomwanani, vbavbatshi nya misimbo nya miguhu, mikandzu ni mikanyi kholu mitsa yakone kyadi. Khu guralo sanana sanu nya vanyamahegyane si ngu khala maphuphulu, ni vagadzamwane vanu va ngu bhaya.

Dhewuteronome 31:29

Kholu nyi ngu dziti gukheni, avbo nyi na gu bani nyi fude, mu na tshala mu gira silo nya gunyenyeze, mu ndreyani ndzilani nyi mi leletedego; khu guralo, khu matshigu nya guhegise, libango leli li na thega vbatshani gwanu, mwa gu gira esi si vivbidego mahoni ga Pfhumu Nungungulu, gasi mu wusa likhulo laye khu kotani nya mithumo ya mandzani gwanu.”

Josuwa 23:16

Mwa gu hambanisa gidzumeledzwano gya Pfhumu Nungungulu wanu, a mi leletedego, mu ya thumela vambe vanungungulu ni gu va khozela, khavbo avbo likhulo la Pfhumu Nungungulu li na khondra vbakari gwanu, mu na vbelani nyamba hwela tigoni momu nya gwadi a mi ningidego.

Valamuli 6:10

Uye a mi embede gambe, khuye: Eni kheni Pfhumu Nungungulu wanu; mu nga khozeli vanungungulu va Vaamori; mu khalago tigoni gwawe. Aholu kha mwa nyi yingisani.”