2 Dzipfhumu 17:6 - Bhibhiliya Nya Guage

⁶ Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

2 Dzipfhumu 17:6 Iomraidhean Croise

Genesi 10:2

Sanana sa Jafeti khesi: Ghomeri, Magogi, Madhayi, Javani, Tubhali, Meseki ni Tira.

1 Dzipfhumu 8:46

Va gu gu ghohela kha nga a gu mwalo muthu nyamba ghoha, uwe u va gorogela u va ningela mandzani ga valala, gasi va va vbagela vaya girwa dzikhumbi tigoni ga valala vawe, hwindzo mwendro vbafuvbi ni litigo lawe;

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

2 Dzipfhumu 18:34

Vomo hayi vanungungulu va Hamati, ni va Aripadhe? Vomo hayi vanungungulu va Sefarivhayimi, va Hena ni va Ivha? Ina va tshudziside Samariya mandzani gwangu, gani?

2 Dzipfhumu 19:12

Ina mayigo yoyo, ma mbembisidwego khu vababe vangu, ma vbulugisidwe khu vanungungulu vawe: Nya nga Gozani, Harani, Rezefi ni ga sanana sa Edheni, si nga bani siri tigoni ga Telasari, gani?

2 Dzipfhumu 21:13

Nyi na pima Jerusalema khu ngodzi nya lipimo nyi nga pimago khiyo Samariya, ni pimo nya nyumba ya Akazi; nyi na guha Jerusalema, kha nga idzo muthu a guhago mbiya a yi fenengedza.

1 Dzikoronika 5:22

Kholu nya vangi va di fude khu gu songwa khu matshari kholu Pfhumu Nungungulu a di dzegide nyimbi yi khala yaye; va vbaha malangani yawe kala gikhati va nga vbagedwa va yiswa wugumbini.

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

Ezira 6:2

Gu diya manwa tigoni ga Akimeta, nyumbani nya wufumu, yi manegago gipandrengulu gya Medhiya, gu manwa libhuku li lovidwego magana ma ganelago, kharati:

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Isaya 10:9

Gasi kha sa girega idzosaye ga Kalino ni Karikemisi, gani? Hamati kha giri kha nga Aripadhe, gani? Ni Samariya kha giri kha nga Dhamasiko, gani?

Isaya 13:17

Wona, nyi na va ranela Vamedhi, avo va si khathaligo khu parata, ambari gudogorela ndralama.

Isaya 17:4

Khu litshigu lolo, wudhumo wa Jakobe wu na vbungudwa, a na wondra a tshala khu marambo.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 36:17

Kala nyi ta mi dzega nyi mi yisa ga litigo lile li fananago ni lanu, li gu litigo nya tirigu ni vbinyu nya gugire khiyo sibaba ni marembwe ma ningago mihandro nya yadi.

Isaya 36:19

Vomo hayi vanungungulu va Hamati ni va Aripadhi? Vomo hayi vanungungulu va Sefarivhayimi? Ina avo, va di nga dzi kodza gu vbulugisa Samariya mandzani gwangu, gani?

Isaya 37:18

Pfhumu Nungungulu, lisine, vafumeli va Asiriya, va sasede vathu nya gutale ni gu ghohetela mayigo yawe yatshavbo;

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Dhaniyeli 5:28

PERESI: Gu tshamusela gupwani: Mufumo wago, wu na kabaniswa khu vbakari wu ningedwa Vamedhi ni Vaperesi.

Hoseya 1:4

Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli.

Hoseya 1:6

Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo.

Hoseya 1:9

Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Hoseya 8:8

Israyeli midzidwe; olu womo vbakari ga mambe mayigo kha nga gyombo nyamba phasa gilo.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Levhi 26:38

Mu na ya fela ga mambe mayigo henu bhi!

Amosi 5:27

Khu guralo, nyi na mi yisa wugumbitunu tshatugo wa Dhamasiko, a ngu ganela Pfhumu, oyu lina laye a gu Nungungulu nya Tshivba Yatshavbo.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Dhewuteronome 30:18

nyi ngu sambanya kamwe muhuno, kheni: U nafa, khu na vbanya matshigu nya gulaphe tigoni uyago umo, wa gu tshatuga tsongo wa Joridhani u ya li fumela.