2 Dzipfhumu 17:4 - Bhibhiliya Nya Guage

⁴ Aholu mufumeli wa Asiriya, a di wona gukhuye Ozeya a na ni makungo nya gu mu wugele; kholu a di rumela myango ga Soni, mufumeli wa Egipito, ni gu gambe khu mwaga ni mwaga a di si rumeli khupo ga mufumeli wa Asiriya, kha nga idzo a nga bani a gira gale; khu guralo, mufumeli wa Asiriya, a di mu mola a mu khothela pasoni.

2 Dzipfhumu 17:4 Iomraidhean Croise

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzipfhumu 17:5

Khavbo avbo, mufumeli wa Asiriya a di tsemakanya litigo latshavbo, a vboha Samariya a randrela lidhoropa gipimo nya myaga miraru.

2 Dzipfhumu 18:21

Nyi ngu gu wona gukheni wa gu tumba Egipito, ndronga nya tshava yi fanyegidego, yi payago mandza ya oyu a yi khighelago. Khidzo kharato ga Faro, mufumeli wa Egipito, ga vatshavbo vale va mu tumbago.

2 Dzipfhumu 24:1

Matshiguni ya Jeyowakimi, Nabhukodhonosori, mufumeli wa Bhabhiloni a dita mu dhumela, uye a di khala githumi gyaye khu gipimo nya myaga miraru. Khu hwane a di vbindrugedza a mu wugela.

2 Dzipfhumu 24:20

Si giregide kharalo khu kotani nya likhulo la Pfhumu Nungungulu, a wugela Jerusalema ni Judha, gumogo ni gu va dusa mbeli gwaye; aholu Zedhekiya a di wugela mufumeli wa Bhabhiloni.

2 Dzipfhumu 25:7

Sanana sa Zedhekiya, si di pidwa migolo mbeli ga babe wawe, Zedhekiya va di mu rumbula maho, va mu hunga khu makhetshe nya sugu va mu yisa Bhabhiloni.

2 Dzikoronika 32:11

Ina Ezekhiya, khandri a gu mi kutsedzela gufa khu ndzala ni lidora, olu a gukhuye: Pfhumu Nungungulu wathu, a na hi vbulugisa mandzani ga mufumeli wa Asiriya, gani?

Hoseya 10:4

Va ganela magana nyamba phasa gilo, va sambanya malipha, va gu gira gidzumeledzwano; khu kotani nya isoso, malamulelo yawe, ma na buga nga mwasi nya kholowe wu hodzago dzimbewu dza mahangeni.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 13:10

Olu womo hayi mufumeli wago, gasi a gu vhikela madhoropani gwago gwatshavbo? Ni valamuli vago u nga va lombago, khuwe: Nyi ninge mufumeli ni vathangeli?

Hoseya 8:10

Ambari va nga bani va dzi rengiside ga va nya mayigo, olu nyi va tshanganiside, Va phede gu lemedwa khu mirwalo ya mufumeli ni ya manganagana.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.