2 Dzipfhumu 17:3 - Bhibhiliya Nya Guage

³ A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzipfhumu 17:3 Iomraidhean Croise

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

2 Dzipfhumu 15:19

Khavbo avbo, Puli, mufumeli wa Asiriya, a dita guta wugela litigo la Israyeli; Menayemi, a di ningela ga Puli, likhumi mazana (1.000) dzitaleta nya parata, gasi a kodza gu mu phasedzela gu tiyisa wufumu mandzani gwaye.

2 Dzipfhumu 15:20

Menayemi, a di hengisa khupo ga va na Israyeli, ga satshavbo sitetema nya va nya gufuma, gasi a ningela ga mufumeli wa Asiriya, muthu ni muthu a di yela gu dusa livbandre magumi singerengere nya parata; khu guralo, mufumeli wa Asiriya a di bwelela khu guvbiredza nyamba khala tigoni mule.

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 17:2

A di thuma mithumo nyamba yela mahoni ga Pfhumu Nungungulu; aholu kha godza vafumeli va Israyeli, ava va fumidego mbeli gwaye.

2 Dzipfhumu 17:4

Aholu mufumeli wa Asiriya, a di wona gukhuye Ozeya a na ni makungo nya gu mu wugele; kholu a di rumela myango ga Soni, mufumeli wa Egipito, ni gu gambe khu mwaga ni mwaga a di si rumeli khupo ga mufumeli wa Asiriya, kha nga idzo a nga bani a gira gale; khu guralo, mufumeli wa Asiriya, a di mu mola a mu khothela pasoni.

2 Dzipfhumu 18:31

Mu nga mu yingisi Ezekhiya, kholu mufumeli wa Asiriya a ngu ganela, khuye: Girani gurula ni eni; mu dzi ningelani avbo gwangu; khavbo avbo, muthu ni muthu a na hodza mihandro ya thembweni gwaye, ni mihandro nya simbo waye, bwelo khavo a sela mati nya nambo waye.

2 Dzipfhumu 18:7

Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Isaya 17:4

Khu litshigu lolo, wudhumo wa Jakobe wu na vbungudwa, a na wondra a tshala khu marambo.

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Ezekiyeli 23:5

“Owolani a dzi bedzedzede wubhayini na nga gu nyi lumba; uye a di tala khu gu navela sibhayi saye a gu Vaasiriya, vaakelane vaye,

Hoseya 10:14

Khu guralo, vbakari nya vathu vago, gu na duga ghudzeghudze nya nyimbi, makhokhola yago yatshavbo ma na khungumudwa, kha nga Salamani a nga pfhungumula Bheti-Aribheli khu litshigu nya nyimbi, avbo mayime a nga vbadzuledwa gumogo ni sanana saye.

Hoseya 10:4

Va ganela magana nyamba phasa gilo, va sambanya malipha, va gu gira gidzumeledzwano; khu kotani nya isoso, malamulelo yawe, ma na buga nga mwasi nya kholowe wu hodzago dzimbewu dza mahangeni.

Hoseya 8:10

Ambari va nga bani va dzi rengiside ga va nya mayigo, olu nyi va tshanganiside, Va phede gu lemedwa khu mirwalo ya mufumeli ni ya manganagana.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.