2 Dzipfhumu 17:16 - Bhibhiliya Nya Guage

¹⁶ Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 17:16 Iomraidhean Croise

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

1 Dzipfhumu 14:15

Pfhumu Nungungulu a na bayisa gambe Israyeli gu khwatshi tshava yi gimbidziswago khu mati; Uye a na dusa Israyeli khu tigoni momu nya gwadi a nga bani a ningide vababe vaye, a va phalalegisa a va yisa khisikheyi nya tsongo wa Ewufrate, kholu khiyo iyoyo va na dzi girelago sifananiso nya vanungungulu nya liphanga, va wusa likhulo la Pfhumu Nungungulu.

1 Dzipfhumu 14:23

Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

1 Dzipfhumu 15:13

Ambari ni mayi waye Mahaka, a mu duside wulangani waye nya wupfhumugadzi, kholu a di giride gifananiso gya Asitaroti. Asa a di khungumula gifananiso gyaye nya gunyenyeze, aya gi vbisa bambe nya tsongo wa Kedhroni.

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

1 Dzipfhumu 16:33

Akabi giride gambe gifananiso gya Asitaroti, a engedzela gu gorosa Pfhumu Nungungulu wa Israyeli, khu gu gira silo nya gunyenyeze ngudzu guvbindra vafumeli vatshavbo va na Israyeli, va mu thangedego gufuma.

1 Dzipfhumu 22:53

A di gira silo nya guvivbe mahoni ga Pfhumu Nungungulu; kholu a di gimbila khu dzindzila dza babe waye, gumogo ni dzindzila dza mayi waye, nidzo dza Jerobhowamo, mwamana wa Nebhati, a nga gira a ghohisa va na Israyeli.

2 Dzipfhumu 1:2

Akazi a nga bani ari vbatshani nya gitezi nya nyumba yaye tigoni ga Samariya, a di thega khu vbagihogotunu ata dzi bayisa ngudzu. Khavbo avbo, a di rumela myango a yi embela, khuye: “Indrani mu ya wudzisa Bhahali-Zebhubi, nungungulu wa Ekoroni, gasi nyi dziti gukheni ina nyi na vbanya ga ngumbe yeyi, gani?”

2 Dzipfhumu 11:18

Vathu va tigoni va di ya bela nyumbani ga Bhahali, va ya yi khungumulela gumogo ni gu pandrelela siluvelo saye ni sifananiso saye, va songa Matani, muphasi nya mhamba wa Bhahali vbafuvbi ni siluvelo; khavbo avbo, muphasi nya mhamba a di emisa vasayisi va Nyumbani ga Pfhumu Nungungulu.

2 Dzipfhumu 16:3

Kholu a di landrisela dzindzila dza vafumeli va Israyeli; a di vbisa ni gyanana gyaye niloni, a landrela mavbanyelo ya va nya mayigo, ayo Pfhumu Nungungulu a nga ma lundrago mbeli ga sanana sa Israyeli.

2 Dzipfhumu 17:10

Va di emisa sifananiso ni sithombe sa Asitaroti, malangani yatshavbo nya gukhugege ni vbavbatshi nya misimbo yatshavbo yi thelago mahagane nya gunyuge.

2 Dzipfhumu 18:6

Kholu uye a di namarela ga Pfhumu Nungungulu, gima kha nga hambana naye, a di sayisa milayo ya Pfhumu Nungungulu ni sileletelo a lovedego Mosi.

2 Dzipfhumu 21:3

A di vbahedza malanga nya gukhugege, ayo ma nga bani ma khungumudwe khu babe waye Ezekhiya, a emisa siluvelo sa Bhahali, a gira gifananiso nya lidingo, nya nga igyo gi nga girwa khu Akabi, mufumeli wa Israyeli; a di khidzimela sivangwa satshavbo sa ndzadzini, a si khozela.

Ekisodha 32:4

Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Isaya 2:8

Litigo lawe gambe, li tade khu sihuru nya sifananiso, va gu khozela thumo nya mandza yawe, iso va si giridego kamwe khu dzinyala dzawe.

Jeremiya 19:13

Dzinyumba dza Jerusalema gumogo ni dzinyumba dza vafumeli va Judha, dzi na nyenyeziswa khu sirumbi nya vathu gu fanana ni wulanga wa Tofeti; kholu va na Israyeli va litide vbatshani nya sikoli nya dzinyumba va ya vbisa libani va phasela lidambo, ngima ni dzinyeledzi, vanungungulu nya malipha.

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Ezekiyeli 23:8

“Uye kha nga diga wuphuphulu a wu phedego tigoni ga Egipito, gikhati nya wumbiri waye, vama va di lala naye, va ghohetela wunyamayi nya wukendzi waye, ni gu dzi tsakisa khuye.”

Levhi 26:1

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Dhewuteronome 16:21

Gambe u nga tshuki u yala simbo nya guphasele avbo nungungulu nya gifananiso vbafuvbi ni giluvelo mu nga vbahela Pfhumu Nungungulu wago.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.