2 Dzipfhumu 17:11 - Bhibhiliya Nya Guage

¹¹ Va vbisa libani malangani yatshavbo nya gukhugege, va gira kha nga mayigo yale Pfhumu Nungungulu a ma dusidego mbeli gwawe; va gira silo nya guvivbe, va gorogisa Pfhumu Nungungulu.

2 Dzipfhumu 17:11 Iomraidhean Croise

1 Dzipfhumu 13:1

Khu guruma ga Pfhumu Nungungulu, gu dita muthu wa Nungungulu khu Judha aya Bheteli, gikhati Jerobhowamo a nga bani nari vbagiluvelotunu gasi gu vbisa libani.

1 Dzipfhumu 14:15

Pfhumu Nungungulu a na bayisa gambe Israyeli gu khwatshi tshava yi gimbidziswago khu mati; Uye a na dusa Israyeli khu tigoni momu nya gwadi a nga bani a ningide vababe vaye, a va phalalegisa a va yisa khisikheyi nya tsongo wa Ewufrate, kholu khiyo iyoyo va na dzi girelago sifananiso nya vanungungulu nya liphanga, va wusa likhulo la Pfhumu Nungungulu.

2 Dzipfhumu 12:4

Jowasi a di embela vaphasi nya mhamba, khuye: “Dzitsapawu dzatshavbo nya silo nya guage esi si reswago Nyumbani ga Pfhumu Nungungulu, a gu dzitsapawu nya fanelo ya vathu vatshavbo, dzitsapawu nya dzegiso nya vathu, hwane nya gu bani na holeledwe gwadi ni siningwa si ningedwago Nyumbani ga Pfhumu Nungungulu, khu gugola ga muthu ni muthu.

2 Dzipfhumu 17:10

Va di emisa sifananiso ni sithombe sa Asitaroti, malangani yatshavbo nya gukhugege ni vbavbatshi nya misimbo yatshavbo yi thelago mahagane nya gunyuge.

2 Dzipfhumu 17:12

Va di khozela sifananiso, iso va nga embedwago khu Pfhumu Nungungulu, gukhuye: “Mu nga giri silo nya nga esi.”

2 Dzipfhumu 21:6

A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

2 Dzikoronika 28:25

A di vbaha gambe, madhoropani gwatshavbo ga Judha, malanga nya gukhugege gasi guvbisela umo libani vambe vanungungulu nya malipha; a wusa kharati likhulo la Pfhumu Nungungulu, wa vababe vaye.

Ekisodha 23:24

U nga khidzimi u khozela vanungungulu wawe, u nga pimedzeli gu gira kha nga idzo va girago avo. Aholu uwe u na va songa vatshavbo, u pandrelela sifananiso sawe satshavbo.

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Hoseya 9:10

Israyeli nyi di mu rola nga sitsatsa nya dziuvha mugiwulani, avbo nyi nga wonago vababe vanu, nyi di va wona nga mihandro nya guhegule nya makandzu. Aholu, avbo va nga vboha Bhahali-Peyori, va di dzi ningela va phasela githombe gile nya dzitshoni, va vbindrugedza va nyenyeza kha nga gilo va nga gi gola.

Dhewuteronome 12:2

Mu naya khungumulela muphelo malanga yatshavbo va phaselago umo vanungungulu vawe vathu muya va fumelago: Vbatshani nya sigomo nya gulaphe ni sigomwana, ni vbavbatshi nya misimbo nya gunyuge;

Dhewuteronome 18:9

Avbo u na belago ga litigo eli Pfhumu Nungungulu wago, a na gu ningago, u ngayi uya yedzedzela mavbanyelo nya guvivbe ya vathu va tigoni momo.

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.