2 Dzipfhumu 16:9 - Bhibhiliya Nya Guage

⁹ Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

2 Dzipfhumu 16:9 Iomraidhean Croise

2 Dzikoronika 16:4

Bheni-Hadhadhi a di yingisa magana ya Asa, a rumela vathangeli vaye nya dzinyimbi guya wugela madhoropa ya Israyeli; va sasela madhoropa ya Ijomi, Dhani, Abheli-Mayimi ni madhoropa yatshavbo nya sisangala ya Nafitali.

2 Dzikoronika 28:21

Kholu Akazi a di dusa gipandre nya sombo a nga phanga Nyumbani ga Pfhumu Nungungulu ni sa nyumbani ga mufumeli ni sa manganagana a si ningela ga mufumeli wa Asiriya, khu guralo, isoso kha sa mu phasa gilo.

2 Dzikoronika 28:5

Khu guralo, Pfhumu Nungungulu waye, a di mu ningela mandzani ga mufumeli wa Siriya. Vaasiriya va di mu pala va mola vathu vaye nya vangi va vbagedwa va yiswa Dhamasiko wugumbitunu; bwelo khavbo a mu ningela mandzani ga mufumeli wa Israyeli, a sasedwa gambe khuye.

Isaya 10:9

Gasi kha sa girega idzosaye ga Kalino ni Karikemisi, gani? Hamati kha giri kha nga Aripadhe, gani? Ni Samariya kha giri kha nga Dhamasiko, gani?

Isaya 17:1

Mahungu mayelano khu lidhoropa la Dhamasiko: Wonani gukhenu Dhamasiko gu na fuviswa gu si khali gambe lidhoropa, aholu, gu na khala marumbi basi.

Isaya 22:6

Kholu vathu va Elamo va somide matshari na vari ni dzikareta ni vakhileli nya dzikavalu; va na Kiri, na va pharide sitshangu.

Isaya 37:18

Pfhumu Nungungulu, lisine, vafumeli va Asiriya, va sasede vathu nya gutale ni gu ghohetela mayigo yawe yatshavbo;

Isaya 7:16

Aholu, gyanana gegi, na gi si gu kodzi gu nyenya guvivba ni gu hatha wuwadi, mayigo ya vafumeli va vavili va gu thusedzelago ma na bani ma vbindrugedzide ma khala giwula.

Isaya 9:10

“Si thegide sitini, aholu hi na vbahedza khu siwindri nya guvatwe; yi piledwe mivbesu, aholu hi na yi tshikedza khu madingo nya misena.”

Isaya 9:11

Khu guralo, Pfhumu Nungungulu a na va wusela valala va Rezimi guta va dhumela, a wusa ni valala vaye khu gumogo basi.

Amosi 9:7

Ina enu va na Israyeli, avbo gwangu kha mu khali kha nga sanana nya Vaetiyopiya, gani kha nga idzo nyi golago khidzo Vaetiyopiya, gani? A ngu ganela Pfhumu Nungungulu. Ina kha nya dusa va na Israyeli khu tigoni ga Egipito, ni Vafilisitiya khu tigoni ga Kafitori, ni Vaasiriya khu tigoni ga Kiri, gani?