2 Dzipfhumu 16:7 - Bhibhiliya Nya Guage

⁷ Akazi a di rumela myango ga Tigalati-Pileseri, mufumeli wa Asiriya, a mu embela, khuye: “Eni nyi githumi gyago ni gyanana gyago, gwela u ta nyi vbulugisa mandzani ga mufumeli wa Siriya ni mandzani ga mufumeli wa Israyeli, va nyi wugedego va nyi dhumela.”

2 Dzipfhumu 16:7 Iomraidhean Croise

1 Dzipfhumu 20:4

Mufumeli wa Israyeli a di hakha, khuye: “Kha nga idzo u ganedego khidzo, uwe mufumeli ni mune wangu, eni nyi wago ni satshavbo nyi gu naso.”

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 18:7

Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

2 Dzikoronika 28:16

Khu gikhati gile gya gimwegyo, mufumeli Akazi, a di rumela myango ga mufumeli wa Asiriya gu a mu phase,

2 Dzikoronika 28:20

Gu dita avbo gwaye Tigilati-Pileseri, mufumeli wa Siriya, oyu a nga bani na gu pimisa gukhuye a nata phaswa khuye, aholu uye a dita mu sasela, wulangani nya gu mu phase.

Isaya 2:6

Kholu uwe Pfhumu Nungungulu, u digide vathu vago va nyumbani ga Jakobe, kholu va dzegelede mavbanyelo nya tumbunugo wa mambe mayigo ya Khugadambo, va gu thumisa wunyanga kha nga Vafilisitiya, va thangana wupari ni va nya mayigo.

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 17:5

Pfhumu Nungungulu a ngu ganela kharati, khuye: A na vadwe muthu wule a tumbago muthu kwawe, a dzi seketela avbo nya givangwa nya nyama ni novba, monyo waye na wuri hwindzo ni Pfhumu Nungungulu!

Gililo 4:17

Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Ezekiyeli 16:28

U bhayide gambe ni Vaasiriya, kholu u di si kodwi, kholu ambari nu dzi ningede wubhayini si di si gu eneleli.

Ezekiyeli 23:12

“Uye nuye a di haladzana ngudzu ni Vaasiriya, vafumeli ni dzindruna, vaakelane vaye, na va ambade gipani nya guenele, vatshavbo nari madzaha ni vakhileli nya dzikavalu.”

Ezekiyeli 23:5

“Owolani a dzi bedzedzede wubhayini na nga gu nyi lumba; uye a di tala khu gu navela sibhayi saye a gu Vaasiriya, vaakelane vaye,

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.