2 Dzipfhumu 16:3 - Bhibhiliya Nya Guage

³ Kholu a di landrisela dzindzila dza vafumeli va Israyeli; a di vbisa ni gyanana gyaye niloni, a landrela mavbanyelo ya va nya mayigo, ayo Pfhumu Nungungulu a nga ma lundrago mbeli ga sanana sa Israyeli.

2 Dzipfhumu 16:3 Iomraidhean Croise

1 Dzipfhumu 14:24

Gu diga nya ugo, gu di manega gambe tigoni ga Judha, vama va nga bani va thumisa wubhayi nya wukhongeli; va di gira manyala yatshavbo kha nga idzo ma nga bani ma gu gira mayigo ma nga tutumiswago khu Pfhumu Nungungulu mbeli ga sanana sa Israyeli.

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 17:17

Va di vbisa gambe sanana sawe nya sikhwathana niso nya sagadzyana niloni, va dzi ningedzela dzisoloni ni wuloyi, va gira silo nya guvivbe mbeli ga Pfhumu Nungungulu, va mu gorogisa.

2 Dzipfhumu 17:19

Ambari Judha nuye, kha nga vegedza milayo ya Pfhumu Nungungulu waye; va di landrela sihena esi si nga emiswago khu va na Israyeli.

2 Dzipfhumu 17:8

Va landrisela mavbanyelo ya mayigo yale Pfhumu Nungungulu a ma ndreyisidego mbeli ga sanana sa Israyeli ni mikhuwo yi nga girwago khu vafumeli va Israyeli.

2 Dzipfhumu 21:11

“Kha nga olu Manasi, mufumeli wa Judha a giridego manyala yaya, a ghoha guvbindra iso va giridego Vaamori, avo va thangidego mbeli gwaye, a ghohisa ni va na Judha khu sifananiso saye.

2 Dzipfhumu 21:2

A di thuma mithumo nya guvivbe mahoni ga Pfhumu Nungungulu, a landrela mavbanyelo nya mayigo ma nga lundrwago khu Pfhumu Nungungulu mbeli ga va na Israyeli, gikhati va nga belago tigoni gwawe.

2 Dzipfhumu 21:6

A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

2 Dzipfhumu 21:9

Aholu avo kha va yingisa gilo, kholu Manasi a di va ghohisa gu kala va gira silo nya gunyenyeze guvbindra mayigo Pfhumu Nungungulu a ma mbembisidego mbeli ga va na Israyeli.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzipfhumu 8:18

A di landrela dzindzila dza vafumeli va Israyeli, kha nga idzo va nga girago khidzo va nyumbani ga Akabi, kholu mwangadzi waye a diri nyamahegyane wa Akabi; a di thuma mithumo nya guvivbe mbeli ga Pfhumu Nungungulu.

2 Dzikoronika 22:3

Mayi waye a di ranwa gupwani Ataliya, a diri gyanana gya Oniri. Uye nuye gimbide khu dzindzila dza babe waye Akabi; kholu mayi waye khuye a nga bani a mu ninga wusingalagadzi, a mu kutsedzela gu gira mithumo nya guvivbe.

2 Dzikoronika 33:2

A di gira ugo guvivbidego mbeli ga Pfhumu Nungungulu, a landrisela mithumo nya guvivbe ya va nya mayigo, ava Pfhumu Nungungulu a nga va tutumisa mbeli ga va na Israyeli.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Dzindzimo 106:35

Aholu va di ya dzi pata gumogo ni va nya mayigo, va gu hevbulela tumbunugo wawe.

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Ezekiyeli 16:21

U songetede sanana sangu, u si vbisa niloni, u gira ningelo ga sifananiso.

Ezekiyeli 16:47

Khu guralo, kha wa landra dzindzila dzawe ni gu gira gunyenyeza va gu giridego avo, aholu u giride silo ya gunyenyeze ngudzu mithumoni gwago guvbindra avo.

Ezekiyeli 20:26

nyi di va diga va dzi nyenyezisa khu kotani nya miningelo yawe, ni gu gira miphaso nya guvbiswe sanana nya matiwula, gasi nyi va thela hwanga, va kodza gu nyiti gukhavo eni kheni Pfhumu Nungungulu.

Ezekiyeli 20:31

Gikhati mu ningelago miningelo yanu, ni miphaso nya guvbise niloni sanana sanu, ina khandri mwa gu simama gu dzi nyenyezisa khu sifananiso sanu satshavbo, kala muhuno, gani? Ina eni nyi na mi dzumedzisa enu va na Israyeli, gukheni nyi wudziseni, gani? Nyi ngu sambanya khu guvbanya gwangu, gukheni: Kha nyi na mi diga mu nyi wudzisa, a ngu ganela Mune Pfhumu Nungungulu.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 20:2

“U na embela gambe sanana sa Israyeli, khuwe: Gani khu wevbi nya livelego la Israyeli, mwendro muluveli a luvelago tigoni ga Israyeli, a na ningelago gyanana gyaye a gira phaso nya mhamba ga Moloki, fanede gu songwa. A na pfarwa khu siwindri khu vathu va tigoni gwawe.

Mikeya 6:7

Ina Pfhumu Nungungulu a di hadza gutsaka khu mazanazana nya dzihamba, ni likhumi mazana mitsongo nya mafura, gani? Nyi na ni fanelo nya guningele gyanana gyangu nya matiwula khu kotani nya sihoso sangu, a gu handro nya melego wangu khu sighoho nyi giridego, gani?

Dhewuteronome 12:31

U nga giri kharato ga Pfhumu Nungungulu wago, kholu gunyenyeza gwatshavbo gu nyenywago khu Pfhumu Nungungulu, avo va dzi girede vanungungulu vawe, khu guralo, vathu vovo va vbiside niloni sanana sawe va vbisela vanungungulu vawe.

Dhewuteronome 18:10

A nga manegi vbakari gwanu ni moyo nya gugire phaso khu guvbisa mwamana waye mwendro nyamahegyane waye niloni, gambe a nga manegi oyu nya guthumise wunyanga, ni gulola dzisolo, va nya gufemba ni wuloyi;