2 Dzipfhumu 16:16 - Bhibhiliya Nya Guage

¹⁶ Muphasi nya mhamba Uriya a di gira satshavbo kha nga idzo a nga leletedwago khidzo khu mufumeli Akazi.

2 Dzipfhumu 16:16 Iomraidhean Croise

2 Dzipfhumu 16:11

Muphasi nya mhamba Uriya, a di vbaha giluvelo a gira satshavbo kha nga idzo a nga leletedwago khidzo khu mufumeli Akazi nari Dhamasiko; muphasi nya mhamba Uriya, a di gira kharalo, mufumeli Akazi na si gu wuyi khu Dhamasiko.

2 Dzipfhumu 16:15

Mufumeli Akazi a di rumela muphasi nya mhamba Uriya, khuye: “Umo nya giluvelo nya gikhongolo u na vbisa umo miphaso nya guvbiswe dzimindrudzile gumogo gambe ni miningelo nya dzimbewu ya vbawutshigutunu, ni phaselo nya guvbiswe wa mufumeli ni ningelo waye nya dzimbewu, ni phaselo nya guvbiswe wa vathu vatshavbo va tigoni ni miningelo yawe nya dzimbewu, ni miningelo yawe nya mawadwa; u na mitegedzela avbo novba watshavbo nya miningelo nya guvbiswe ni novba watshavbo nya miphaselo; u na wu mitegedzela avbovbo; aholu giluvelo nya sugu nyi nga na gu alakanyela khigyo.”

2 Dzipfhumu 16:17

Mufumeli Akazi a di sigulela siseketelo nya sugu, a dusela ni sinamelo si nga bani siri vbatshani nya siseketelo, a reledza gambe ginamelo nya gikhongolo nya mufananiso nya yiphwa nya sugu, gi nga bani giri khu vbatshani nya dzimombe nya sugu, a gi vega vbawuhandzatunu nya siwindri.

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

2 Dzikoronika 33:4

Vbahide giluvelo Nyumbani ga Pfhumu Nungungulu, avbo Uye Pfhumu Nungungulu a nga bani a ganede, khuye: “Lina langu li na khala Jerusalema kala gupindruga.”

Isaya 8:2

Nyi di dzega dzifakazi dzimbili nya gutumbege, muphasi nya mhamba Uriya, ni Zakariya, mwamana wa Jebherekiya.

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

1 Vatesalonika 2:4

Aholu, ha gu ganela edzi Nungungulu a dzinago khidzo khu Mahungu nya Yadi, aya a nga hi dongisela. Kha hi gireli gu tsakisa vathu, aholu, gu tsakisa Nungungulu, atigo esi si guromo monyoni ga moyo ni moyo nya ethu.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.