2 Dzipfhumu 16:10 - Bhibhiliya Nya Guage

¹⁰ Khavbo avbo, mufumeli Akazi, a di hongola Dhamasiko, guya tshangana ni Tigalati-Pileseri, mufumeli wa Asiriya; avbo a nga wonago giluvelo gi nga bani giromo Dhamasiko; mufumeli Akazi a di rumela ga muphasi nya mhamba Uriya, gifananiso nya giluvelo, makhalelo ni mawumbelo yakone.

2 Dzipfhumu 16:10 Iomraidhean Croise

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 16:11

Muphasi nya mhamba Uriya, a di vbaha giluvelo a gira satshavbo kha nga idzo a nga leletedwago khidzo khu mufumeli Akazi nari Dhamasiko; muphasi nya mhamba Uriya, a di gira kharalo, mufumeli Akazi na si gu wuyi khu Dhamasiko.

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

1 Dzikoronika 28:19

Dhavhidhe a di ganela khuye satshavbo sesi khu Pfhumu Nungungulu a nyi yeyedzidego khu gu nyi lovela khu mandza yaye, a nyi ninga mavbahelo yatshavbo.

Dzindzimo 106:39

Khu isoso avo navo va dzi nyenyeziside wurumba wawe, khu mithumo yawe yatshavbo nya guvivbe.

Ekisodha 24:4

Mosi a di lova magana yatshavbo ya Pfhumu Nungungulu. A di wuga ni dzimindru ngudzu, a gira giluvelo vbavbatshi nya gigomo, a di vbaha likhumi na mavili madingo, gukhedza khu likhumi na mavili mahundzu ya Israyeli.

Ekisodha 39:43

Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.

Isaya 8:2

Nyi di dzega dzifakazi dzimbili nya gutumbege, muphasi nya mhamba Uriya, ni Zakariya, mwamana wa Jebherekiya.

Jeremiya 10:2

Pfhumu Nungungulu a ngu ganela kharati, khuye: “Mu nga pimedzeli mavbanyelo ya mambe mayigo, ambari gu thurugiswa khu sisamadziso sa damboni; kholu va nya mayigo va ngu thurugiswa khiso.”

Ezekiyeli 16:28

U bhayide gambe ni Vaasiriya, kholu u di si kodwi, kholu ambari nu dzi ningede wubhayini si di si gu eneleli.

Ezekiyeli 43:11

Va gu khala dzitshoni khu satshavbo va giridego, va embele khu giwumbelo nya nyumba yeyi ni magirelo yaye, myanya yaye nya guduge, niyo nya gubele ni makhalelo yaye yatshavbo ni mipimo yaye yatshavbo; sileletelo saye satshavbo, ni satshavbo si guromo umo, ni milayo yaye yatshavbo yi yelago gu thumiswa; lova esi na va gu si wona, gasi va kodze gu mati makhalelo yaye, ni sileletelo saye satshavbo va kodze gu si landrisa.

Ezekiyeli 43:8

Gikhati va vegidego nvunvuri wawe vbafuvbi ni nvunvuri wangu, ni mihasimo yawe vbafuvbi ni mihasimo yangu, gu di manega ndzari yi hambanisa eni ni avo, khu gu gira kharato va nyenyeziside lina langu nya guage khu kotani nya guvivbe gwawe va nga bani va gu gira; khu guralo, eni nyi di va mbembisa khu likhulo langu.

Ezekiyeli 44:12

Kholu va thumide na vari ni sifananiso sawe, va wuya va thumela va na Israyeli, va va tshunganisa va thega guvivbani; khu kotani nya isoso, Pfhumu Nungungulu a ngu ganela kharati, khuye: Nyi di sambanya na nyi khusedzide mandza gukheni, avo va na rwala nandru nya wuvivbi wawe.

Matewu 15:6

muthu yoyo tshulegide mahoni gwanu. Mwalo gambe giguruvedzo nya guphase babe mwendro mayi waye. Mu tshipisa, kharati, nayo wa Nungungulu khu kotani nya tumbunugo wanu.

Matewu 15:9

Milombelo va nyi girelago khya malipha, kholu milayo va hevbudzago khya vathu.”

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Dhewuteronome 12:30

dzi wonele, u si modwi khu gulandrisela vanungungulu wawe nya malipha, hwane nya gu na va mbembisidwe mbeli gwago; u ganela, khuwe: Olu vathu vava va thumedego vanungungulu vawe, eni neni nyi na gira kharato.

Josuwa 22:28

Khu guralo, hi nga ganela khethu: Mindru, avo va gu ganela kharati avbo gwathu ni ga situgulwana sathu, hi na va hakha, khethu: “Wonani mavbahelo nya giluvelo gya Pfhumu Nungungulu, gi vbahidwego khu vababe vathu, nasiri giluvelo nya guningele miningelo nya guvbiswe ambari miphaso; aholu gi khale fakazi vbakari gwathu ni enu.

1 Pedro 1:18

Kholu enu mu ngu wutini gwadi tengo wu livbidwego gasi gu mi tshula guvbanyani nya gumba phasa gilo, mu gu hakhidego ga vababe vanu. Tengo yoyo khandri gilo gi kuwulugago nga ndralama mwendro parata.