2 Dzipfhumu 15:12 - Bhibhiliya Nya Guage

¹² Aya khu magana ya Pfhumu Nungungulu a nga embelago Jewu, khuye: “Sanana sago, kala gitugulwana nya wu na; si na khala vbagikhalotunu nya wufumu wa na Israyeli.” Si di girega kharalo.

2 Dzipfhumu 15:12 Iomraidhean Croise

2 Dzipfhumu 10:10

Olu, gu vbweta mu mati gwadi magana ya Pfhumu Nungungulu aya a ganedego khu mahungu nya ndranga ya Akabi. Gimwalo gi na thegago vbavbatshi, kholu Pfhumu Nungungulu tadziside iso a ganedego khavbo ga githumi gyaye Eliya.”

2 Dzipfhumu 10:30

Avbo Pfhumu Nungungulu a nga embelago Jewu, khuye: “Kha nga u thumidego mithumo ya yadi u gira esi si lulamidego mbeli gwangu, satshavbo iso nyi nga bani nyi si pimisa khu monyoni gwangu, u girede ndranga ya Akabi; khu guralo, sanana sago si na khala vbagikhalotunu nya wufumu wa Israyeli, kala gitugulwana nya wu na.”

2 Dzipfhumu 13:1

Khu mwaga nya magumavili na miraru nya gufume ga Jowasi, mwamana wa Akazi, mufumeli wa Judha, di phela gu fuma Jeyowakazi, mwamana wa Jewu, tigoni ga Israyeli ni Samariya, fumide gipimo nya likhumi na livbandre na mivili myaga.

2 Dzipfhumu 13:10

Khu mwaga nya magumararu na livbandre na mivili nya gufume ga Jowasi, mufumeli wa Judha, Jeyowasi, mwamana wa Jeyowakazi, a di phela gu fumela va na Israyeli, tigoni ga Samariya fumide gipimo nya likhumi na livbandre na moyo myaga.

2 Dzipfhumu 13:13

Jeyowasi lade gumogo ni vavelegi waye, Jerobhowamo khuye a khadego vbagikhalotunu gwaye nya wufumu; Jowasi va mu dzingide Samariya, vbafuvbi ni vafumeli va na Israyeli.

2 Dzipfhumu 14:29

Jerobhowamo lade gumogo ni vavelegi vaye gumogo ni vafumeli va Israyeli. Wulangani gwaye fumide mwanaye Zakariya.

2 Dzipfhumu 15:11

Yimbe mithumo ya Zakariya, yi lovidwe umo nya Libhuku nya Matimo ya Vafumeli va Israyeli.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Marko 13:31

Yi na vbindra ndzadzi ni mafu, aholu magana yangu kha ma na vbindra.”

Johane 10:35

Milowo nya Guage kha yi fuvi. Nungungulu a gu rana khuye vanungungulu vathu vale va hakhago mahungu yaye.

Johane 19:24

Va di pwanana khu gyawe, khavo: “Hi nga yi pferuli, aholu, hongoleni hi gire nyatumbatumbane, gasi gu wona yi na khala ya mani.” Yi tadzisega kharati Milowo, yi nga, khiyo: “Va kabanede guambala gwangu, va gira nyatumbatumbane khu ngandzu yangu.” Khidzo kharato ma nga gira masotshwa.

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

1 Samuweli 3:19

Samuweli a diya na gu dandra, Pfhumu Nungungulu a diri ni uye, ni gimwegyo nya magana a ganedego kha ma diga ma thega vbavbatshi.