2 Dzipfhumu 15:10 - Bhibhiliya Nya Guage

¹⁰ Salumi, mwamana wa Jabhesi, a di mu lemba a mu wugela, a mu songa na gu wonwa khu vathu. A phara uye ndronga nya wufumu.

2 Dzipfhumu 15:10 Iomraidhean Croise

1 Dzipfhumu 15:28

Bhahasa songide Nadhabhi khu mwaga nya wuraru nya gufume ga Asa, mufumeli wa Judha, a gu fuma uye wulangani gwaye.

2 Dzipfhumu 12:21

Sithumi sesi si nga mu songago, a diri Jozakari, mwamana wa Simeyati, Jozabhadhi, mwamana wa Somiri; va di mu dzinga gumogo ni vavelegi vaye Dhoropani ga Dhavhidhe; mwanaye Amaziya khuye a nga mu tshikedza wulangani gwaye.

2 Dzipfhumu 14:19

Va di mu lemba, va mu wugela Jerusalema, a tutuma a hongola Lakisi, va mu lundra va ya mu songela iyoyo.

2 Dzipfhumu 15:11

Yimbe mithumo ya Zakariya, yi lovidwe umo nya Libhuku nya Matimo ya Vafumeli va Israyeli.

2 Dzipfhumu 15:14

Kholu Menayemi, mwamana wa Gadhi, a di khuga khu Tiriza, ata Samariya; ata sasela Salumi, mwamana wa Jabhesi, a mu songa tigoni ga Samariya, a fuma uye wulangani gwaye.

2 Dzipfhumu 15:22

Menayemi lade ni vavelegi vaye; wulangani gwaye, fumide mwanaye Pekaya.

2 Dzipfhumu 15:25

Peka, mwamana wa ndruna yaye Remaliya, moyo nya ndruna yaye, a di dzega livbandre magumi vama va Gileyadhi a mu girela gikungo nya gu mu wugele aya mu songa Samariya namboni wa ndrangani ga mufumeli, gumogo ni Arigobhi ni Ariye; a fuma uye wulangani gwaye.

2 Dzipfhumu 15:30

Khavbo avbo, Ozeya, mwamana wa Ela, a di gira gikungo a wugela Peka, mwamana wa Remaliya, a mu dhumela, aya mu songa, a fuma uye wulangani gwaye, khu mwaga nya magumavili nya gufume ga Jotamo, mwamana wa Uziya.

2 Dzipfhumu 15:9

A di thuma mithumo nya guvivbe mahoni ga Pfhumu Nungungulu, kha nga idzo va nga girago vavelegi vaye; kha ndreya gilo ga sighoho sa Jerobhowamo, mwamana wa Nebhati, iso a nga ghohisago khiso Israyeli.

2 Dzipfhumu 9:24

Jewu a di dzega wulaho waye a wu khwandra khu tshivba a hekha Joramo, gighalala gi di bela khu magatani gi paya monyo gi duga khu vbakhanatunu a thega na fude karetani gwaye.

2 Dzipfhumu 9:31

Jewu na nga gu bela nyangwani nya lidhoropa, Jezabheli a di huwata, khuye: “Ina wa gu resa gurula uwe Ziniri, musongi wa mune wago, gani?”

Hoseya 7:7

Vatshavbo va gu vbisa nga gidhingiselo nya nilo, va dagaredzisa valamuli vawe; vafumeli vawe vatshavbo va gu thega, mwalo ni moyo wa vbakari gwawe a nyi lombelelago.

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”