2 Dzipfhumu 13:7 - Bhibhiliya Nya Guage

⁷ Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

2 Dzipfhumu 13:7 Iomraidhean Croise

2 Samuweli 22:43

Eni nyi di va tshigira kha nga kudzudzwane nyi va suga nyi va gandredzela kha nga maraga ya mu dzindzilani.

1 Dzipfhumu 20:15

Khavbo avbo, Akabi a di sayela madzaha ya vathangeli nya sipandrengulu, a mana mazana mavili ni magumararu na vavili (232) vama. Khu hwane nya ava, a di sayela satshavbo sanana sa Israyeli, a mana na siri livbandre na mavili magumi mazana (7000) vama.

1 Dzipfhumu 20:27

Va na Israyeli va di tombaniswa navo, va ningwa matshari ni dzimbuva, va hongola gasi guya dwana ni Vaasiriya. Va diya zumba va khedzisana navo. Va na Israyeli va di wonega kha nga mitshambi mivili nya yidugwana nya dziphongo, gasi Vaasiriya va di fenengedza mafu yatshavbo.

2 Dzipfhumu 10:32

Khu matshigu yale, Pfhumu Nungungulu a di phela gu vbungula litigo la na Israyeli; kholu Hazayeli a di va sasela khu mivbinganoni gwatshavbo gwa Israyeli,

2 Dzipfhumu 13:8

Yimbe mithumo ya Jeyowakazi, ni satshavbo iso a giridego ni wundrena waye, si lovidwe umo nya Libhuku nya Matimo ya Vafumeli va Israyeli.

2 Dzipfhumu 8:12

Khavbo avbo, Hazayeli, a di mu embela, khuye: “Mune wangu, khu ginani u lilago?” Uye a di mu hakha, khuye: “Kholu nyi ngu dziti gukheni u na girela guvivba va na Israyeli, u va vbisela makhokhola yawe, ni gu songa madzaha yawe khu matshari, u vbadzulela sanana sawe, u pferula sirumbu nya dzimimba dza vagadzi vawe.”

Dzindzimo 18:42

Eni nyi di va kuya kha nga kudzudzwane wu phalalegiswago khu phuvbo, nyi di va dzudzuga kha nga maraga ya ndzilani.

Isaya 36:8

Ina ka, pwanana ni mune wangu, mufumeli wa Asiriya: Nyi na gu ninga magumavili mazana (2.000) dzikavalu, wa gu wona gukhuwe u na ni vathu nya guyele gu dzi khilela.

Isaya 41:2

Khu mani a wugidego khu Khagadambo, muthu nya tshivba a palago ni evbini a hongolago, na? A wuya a mu ninga mayigo ni gu khozisa vafumeli mbeli gwaye? Khu litshari laye, a di va vbindrugedza va khala kudzudzwane, khu wulaho waye, a va gira kha nga mavivi ma vbuvbiswago khu phuvbo?

Joyele 3:14

Sidzemo ni sidzemo nya vathu si tade kovani gu lamuledwago mahungu! Kholu litshigu la Pfhumu Nungungulu lomo vbafuvbi, li na vboha kovani gu lamuledwago umo mahungu.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Amosi 1:3

Pfhumu Nungungulu a ngu ganela kharati, khuye: “Khu kotani nya sighoho siraru sa Dhamasiko mwendro sina, kha nyi na bweledza tsayiso, kholu va khothede Gileyadhi, va mu gonya khu migonyo nya dzisimbi.

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

1 Samuweli 13:15

Khavbo avbo, Samuweli a di khuga khu Ghiligali a gwela Gibheya wa Bhejami. Sawule a di dzegela gusaya vathu a nga bani nari navo, a diri ni gipimo nya livbandre na limwedo mazana (600) vama.