2 Dzipfhumu 13:5 - Bhibhiliya Nya Guage

⁵ Khavbo avbo, Pfhumu Nungungulu a di ninga ga na Israyeli muvbanyisi, a va tshula mandzani ga Vaasiriya; va na Israyeli va di khala mitshatshani gwawe kha nga gale.

2 Dzipfhumu 13:5 Iomraidhean Croise

2 Dzipfhumu 13:25

Jeyowasi, mwamana wa Jeyowakazi, a di nyaluphye a dzega mandzani ga Bheni-Hadhadhi, madhoropa ma nga bani ma wandridwe ga babe waye Jeyowakazi khu litunga. Jeyowasi a di mu pala nyondro tharu, a bwelo khavbo a wandra madhoropa ya na Israyeli.

2 Dzipfhumu 14:25

Uye nuye a di wusedza mivbingano ya Israyeli, gukhugela nyangwani nya ndzila nya guhongole dhoropani ga Hamati, kala phwani ga Arabha, kha nga idzo Pfhumu Nungungulu wa Israyeli a nga bani a ganede khidzo khu magana ya githumi gyaye Jona, mwamana wa muprofeti Amitayi, givelegwa gya Gati-Heteri.

2 Dzipfhumu 14:27

Aholu Pfhumu Nungungulu a di si gu ganeli gukhuye a na fuvisa lina la Israyeli mafuni, a di va tshudzisa khu gyandza gya Jerobhowamo, mwamana wa Jeyowasi.

1 Dzikoronika 11:2

Gale Sawule na ngari mufumeli khuwe u nga bani u thangela dzinyimbi dza Israyeli, gu bela ni gu duga. Pfhumu Nungungulu wago, a gu embede gambe, khuye: Uwe havisa vathu vangu va na Israyeli, u na khala muthangeli wa Israyeli!”

Nehemiya 9:27

Khu guralo, U di va ningela mandzani ga valala vawe, va gu va tshanisa, aholu gikhati va nga bani va tshaniseka, va di lila avbo gwago, Uwe U va yingisa nuri khu vbatshani yoyo ndzadzini. Khu kotani nya wuhindzi wago nya wukhongolo, U va rumede vatshudzisi va ta va vbulugisa mandzani ga valala vawe.

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Isaya 19:20

Esi si na khala giyeyedzo ni wufakazi wa Pfhumu Nungungulu nya Tshivba Yatshavbo tigoni ga Egipito, kholu va gu lila ga Pfhumu Nungungulu khu kotani nya avo va va tshanisago, Uye a na va rumela muvbanyisi ni muvhikeli nya gute va tshudzisa.

Obhadhiya 1:21

Avo va nga palago va na gwela gigomoni gya Siyoni, gasi guya lamula gigomo gya Esawu, mufumo wakone wu na bani wuri wa Pfhumu Nungungulu.

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Dhewuteronome 19:4

Madhoropa yaya ma na giredwa nari wuthavelo wa vale va na gu tshukha na va songide vathu nyamba gira kha gwenye, gasi vaya vbanyela umomo; oyu a songago muthu kwawe khu mhango nasa phela khu guganedzisana naye.

1 Samuweli 12:11

Pfhumu Nungungulu a di va rumela Jerubhahali, Bharaki, Jefeti ni Samuweli; va ta mi vbulugisa mandzani ga valala vanu ava va mi randredego khu maphuvbo yatshavbo, gasi mu vbanya khu gurula.

1 Samuweli 19:7

Khavbo avbo, Jonatane a di rana Dhavhidhe, a mu embeledzela magana yatshavbo a nga bhulago, a mu yisa ga Sawule; Dhavhidhe a di simama gu thumela Sawule kha nga matshigu ya hwane.