2 Dzipfhumu 12:7 - Bhibhiliya Nya Guage

⁷ Khavbo avbo, mufumeli Jowasi a di rana muphasi nya mhamba Joyadha ni vambe vaphasi nya mhamba ata va embela, khuye: “Khu ginani mu si gu lulamisigo malufa nya Nyumba? Olu mu nga dzegi gambe gyuma gya valongo vanu, aholu gi ningeleni gi lulamisela malufa.”

2 Dzipfhumu 12:7 Iomraidhean Croise

2 Dzipfhumu 11:4

Khu mwaga nya livbandre na wuvili, Joyadha a di rumela gu ya rana vathangeli nya sikwata nya lizana, dzindruna gumogo ni vawoneleli, a bela gumogo navo Nyumbani ga Pfhumu Nungungulu, a gira navo gidzumeledzwano, a va sambanyisa Nyumbani ga Pfhumu Nungungulu, a va yeyedza gyanana gya mufumeli.

2 Dzipfhumu 12:2

Jowasi a di thuma mithumo ya yadi mahoni ga Pfhumu Nungungulu, matshiguni yaye yatshavbo; kholu a di yeyedzwa dzindzila nya dzadi khu muphasi nya mhamba Joyadha.

2 Dzipfhumu 12:6

Ambari khu kharato, hwane nya magumavili na miraru, nya gufume ga Jowasi, vaphasi nya mhamba va di si gu lulamiseli malufa nya Nyumba ya Pfhumu Nungungulu.

2 Dzipfhumu 12:8

Vaphasi va di pwanana gukhavo va si hakhi gambe gyuma nya vathu, ni gumba lulamedza gambe malufa nya Nyumba.

1 Dzikoronika 21:3

Khavbo avbo, Jowabhi a di khuye: “Pfhumu Nungungulu, a na engedzele tengo nya vathu vava khu lizana dzinyondro; gasi olu uwe mufumeli ni mune wangu, gasi vatshavbo vava khandri sithumi sa pfhumu yangu, gani? Khu ginani u resago kharati nandru ga va na Israyeli?”

2 Dzikoronika 23:1

Khu mwaga nya livbandre na wuvili, Joyadha a di tiya longo a gira pwanano ni dzindruna nya sikwata nya lizana, a gu ava: Azariya, mwamana wa Jeyoramo, Ismayeli, mwamana wa Jowanani, Azariya, mwamana wa Obhedhi, Mahaseya, mwamana wa Adhaya ni Elisafati, mwamana wa Zikiri.

2 Dzikoronika 24:16

Va mu dzingide Dhoropani ga Dhavhidhe, gumogo ni vafumeli; kholu giride wuwadi ga Israyeli, ga Nungungulu, gumogo ni nyumba yaye.

Agewu 1:2

“Pfhumu Nungungulu nya Tshivba Yatshavbo a ngu ganela kharati, khuye: Vathu vava, va gu ganela, khavo: Gi si gu vbohi gikhati, hi yelago guvbahedza khigyo Nyumba ya Pfhumu Nungungulu.”