2 Dzipfhumu 12:5 - Bhibhiliya Nya Guage

⁵ Vaphasi nya mhamba va na hakha dzitsapawu dzodzo, moyo ni moyo a na hakha ga va na gyawe. Avo va na lulamisela malufa nya nyumba, mayelano khu malufa yatshavbo yi na gu bani yiri nawo.”

2 Dzipfhumu 12:5 Iomraidhean Croise

1 Dzipfhumu 11:27

Givangelo gi nga mu girago a wugela mufumeli, khegi: Solomoni a di gu vbaha likhokhola li ranwago pwani Milo, gasi gu tshikedzela libhiyo nya lidhoropa la babe waye Dhavhidhe.

2 Dzipfhumu 12:12

gumogo gambe ni gu hakhisa vavbahi ni vakembi nya giseketelo, gu renga misimbo ni siwindri nya guvatwe gasi gu tshikedzela malufa nya Nyumba ya Pfhumu Nungungulu, ni satshavbo si nga bani si lombega gasi gu lulamisa khiso malufa nya Nyumba ya Pfhumu Nungungulu.

2 Dzipfhumu 12:4

Jowasi a di embela vaphasi nya mhamba, khuye: “Dzitsapawu dzatshavbo nya silo nya guage esi si reswago Nyumbani ga Pfhumu Nungungulu, a gu dzitsapawu nya fanelo ya vathu vatshavbo, dzitsapawu nya dzegiso nya vathu, hwane nya gu bani na holeledwe gwadi ni siningwa si ningedwago Nyumbani ga Pfhumu Nungungulu, khu gugola ga muthu ni muthu.

2 Dzipfhumu 12:6

Ambari khu kharato, hwane nya magumavili na miraru, nya gufume ga Jowasi, vaphasi nya mhamba va di si gu lulamiseli malufa nya Nyumba ya Pfhumu Nungungulu.

2 Dzipfhumu 22:4

“Indra ga muphasi nya khongolo nya mhamba Hilikiya, gasi a duse gyuma gyatshavbo gi residwego Nyumbani gwa Pfhumu Nungungulu, gi nga hengiswago ga vathu khu vasayisi nya myanya ya Nyumbani gwa Pfhumu Nungungulu.

1 Dzikoronika 29:6

Khavbo avbo, vathangeli nya dzindranga, manganagana nya mahundzu ya Israyeli, vathangeli nya sikwata nya likhumi mazana (1.000), niso nya lizana (100), ni vathangeli nya mithumo ya mufumeli, va di ningela navo miningelo yawe khu gugola.

1 Dzikoronika 29:9

Vathu va di nengela khesi va nga ningela khu gugola gwawe; kholu va di ningela miningelo yawe ga Pfhumu Nungungulu khu matsenya; mufumeli Dhavhidhe nuye a di nengela khu litsako nya likhongolo.

2 Dzikoronika 24:5

A di tombanisa vaphasi nya mhamba ni va na Levhi, a va embela, khuye: “Indrani khu madhoropa ya na Judha, mu hengisa dzitsapawu ga vatshavbo va na Israyeli, gasi khu mwaga ni mwaga mu wusedza Nyumba ya Pfhumu Nungungulu wanu; vbiredzelani gu gimbidzwa mahungu yaya.” Aholu va na Levhi kha va nga vbiredza nawo.

2 Dzikoronika 24:7

Kholu nyamayi yoyu Ataliya, nya guvivbedwe khu monyo, gumogo ni sanana saye, va di phangide Nyumbani ga Nungungulu, va dzega sombo nya miphaselo sa Nyumbani ga Pfhumu Nungungulu, va si thumisa ga Vabhahali.

Ekisodha 30:13

Muthu ni muthu a lovedwago a na ningela tengo nya guningane gipandre nya Sekeli ya nyumbani nya miphaso, yi gu na ni magumavili dzisekeli, dzi kaswago khu vbakari u gira ningelo ga Pfhumu Nungungulu.

Isaya 58:12

Sanana sago si na wusedza malanga ma khadego gikhati nya gulaphe nari marumbi; u vbahedza siseketelo sa galegaleyo, va na gu rana gupwani u muwusi nya malufa nya marumbi, ni mululamedzi nya dzindzila, gasi vathu va vbaha dzinyumba.”

Levhi 27:2

“Ganela ga sanana sa Israyeli u si embela, khuwe: Muthu a gu gira gisambanyo ga Pfhumu Nungungulu khu gyuma gi enelago tengo nya muthu;

Mitengo 18:15

Matiwula yatshavbo nya vathu mwendro nya sirengo, va na gu resago ga Pfhumu Nungungulu, ma na lumba uwe; aholu matiwula nya vathu ni matiwula nya sirengo nyamba aga u na rumela ma dzegiswa.