2 Dzipfhumu 12:12 - Bhibhiliya Nya Guage

¹² gumogo gambe ni gu hakhisa vavbahi ni vakembi nya giseketelo, gu renga misimbo ni siwindri nya guvatwe gasi gu tshikedzela malufa nya Nyumba ya Pfhumu Nungungulu, ni satshavbo si nga bani si lombega gasi gu lulamisa khiso malufa nya Nyumba ya Pfhumu Nungungulu.

2 Dzipfhumu 12:12 Iomraidhean Croise

1 Dzipfhumu 5:15

Gu diga nya ava, Solomoni a diri gambe ni livbandre na mavili magumi mazana (70.000) vama nya simbeza, ni livbandre na mararu magumi mazana (80.000) vama nya gupandre siwindri musigomoni.

2 Dzipfhumu 12:11

Hwane nya gu bani na va wutide tengo nya dzitsapawu, dzi di ningedwa mandzani gwa vale va nga bani va rwegidwe thumo nya guvbahedze Nyumba ya Pfhumu Nungungulu; avo va di hakhisa vavati ni vavbahi va nga bani va vbahedza Nyumba ya Pfhumu Nungungulu,

Ezira 3:7

Khavbo avbo, va di ningela dzitsapawu ga vapili nya misimbo ni vameseri nya guvate siwindri, gumogo gambe ni guhodza, wadwa ni mafura, ga vathu va Sidhoni ni va tigoni ga Tiro gasi va va resele khu Libhanoni khu mataro misimbo nya sedhari yi ta tigoni ga Jope kha nga idzo va nga bani va pwananide khidzo ni Kiro, mufumeli wa Perisiya.

Ezira 5:8

A na khale na gu dziti mufumeli gukhuye, ethu hi endrede gipandrengulu gya Judha, nyumbani ga Nungungulu nya khongolo yi vbahwago khu siwindri nya sikhongolo, mapulango ma phedwe gu khokhothedwa umo nya sidza, thumo wowu wa gu tutuma khu tshivba khu mandzani gwawe.

Luka 21:5

Kha nga ulo vambe va nga bani va gu liwuga wumburi nya Nyumba ya Nungungulu, khavo: Yi vbahidwe khu siwindri nya gumbure, ni gu ndrani gwaye yi na ni silo nya gumbure. Jesu a di va hakha, khuye: