2 Dzipfhumu 12:10 - Bhibhiliya Nya Guage

¹⁰ Avbo gu nga wonwago gupwani ngasani dzomo dzitsapawu nya dzingi, mulovi wa mufumeli a di gwela gumogo ni muphasi nya khongolo nya mhamba, va ya sayela dzitsapawu dzatshavbo dzi nga bani dziri Nyumbani ga Pfhumu Nungungulu va dzi theledzela mudzisakuni.

2 Dzipfhumu 12:10 Iomraidhean Croise

2 Samuweli 20:25

Sevha a diri mulovi; Sadhoki ni Abhiyatari, va diri vaphasi nya mhamba;

2 Samuweli 8:17

Sadhoki, mwamana wa Ayitubhi, ni Ayimeleki, mwamana wa Abhiyatari, va diri vaphasi nya mhamba; Seraya, a diri mulovi.

2 Dzipfhumu 12:11

Hwane nya gu bani na va wutide tengo nya dzitsapawu, dzi di ningedwa mandzani gwa vale va nga bani va rwegidwe thumo nya guvbahedze Nyumba ya Pfhumu Nungungulu; avo va di hakhisa vavati ni vavbahi va nga bani va vbahedza Nyumba ya Pfhumu Nungungulu,

2 Dzipfhumu 19:2

Khavbo avbo, a di rumela Eliyakimi, ndruna ya nyumbani ga mufumeli, ni mulovi Sebhina, ni madhota ya vaphasi nya mhamba na va ambade silendra, ga muprofeti Isaya, mwamana wa Amosi.

2 Dzipfhumu 22:12

mufumeli a leletela muphasi nya mhamba Hilikiya, Ayikamo, mwamana wa Safani, Akibhori, mwamana wa Mikeya, ni mulovi Safani ni Asaya githumi gya mufumeli, a va embela, khuye:

2 Dzipfhumu 23:4

Mufumeli a di rumela muphasi nya khongolo nya mhamba Hilikiya ni vaphasi nya vadugwana ni vasayisi va vbanyangwatunu, gasi va dusa khu Nyumbani gwa Pfhumu Nungungulu, satshavbo sikalango si nga bani si giredwe Bhahali ni gifananiso nya simbo nya guvatwe, ni libutho latshavbo la ndzadzini; aya si vbisa vbavbandze ga Jerusalema, mahangeni ya Kedhroni, nguma wakone a wu yisa Bheteli.

2 Dzipfhumu 5:23

Nahamani a di hakha, khuye: “Dzega khu dzitaleta dzimbili.” A di mu gurumedza gu a hunga dzitaleta dzimbili nya parata, a dzi thela umo nya mikwama mivili gumogo ni dzingandzu dzimbili; a rwegisa sithumi saye sivili si thanga mbeli gwaye.

1 Dzikoronika 9:19

Salumi, mwamana wa Kore, mwamana wa Abhiyasafi, mwamana wa Kora, ni vandriyaye va nyumbani ga babe waye, va na Kore va di rwade thumo nya gukhedzisele dzinyangwa nya mitshatsha, gasi vababe vawe, va di ghadha mwanya nya Tshatsha wa Pfhumu Nungungulu.

2 Dzikoronika 24:11

Gikhati gyatshavbo ngasa yi nga bani na yi gu dzegwa khu va na Levhi gasi yi ya wonwa khu mufumeli, khu gu wonwa gupwani ngasa yi tade, gu dita mulovi wa mufumeli ni girumwa gya muphasi nya khongolo nya mhamba, va di guhula dzitsapawu, va bweledza gambe ngasa wulangani gwaye. Va di gira kharalo litshigu ni litshigu, va hengeledzela dzitsapawu nya dzingi.

Ezira 3:7

Khavbo avbo, va di ningela dzitsapawu ga vapili nya misimbo ni vameseri nya guvate siwindri, gumogo gambe ni guhodza, wadwa ni mafura, ga vathu va Sidhoni ni va tigoni ga Tiro gasi va va resele khu Libhanoni khu mataro misimbo nya sedhari yi ta tigoni ga Jope kha nga idzo va nga bani va pwananide khidzo ni Kiro, mufumeli wa Perisiya.