2 Dzipfhumu 11:2 - Bhibhiliya Nya Guage

² Aholu Jeyosebha, nyamahegyane wa mufumeli Joramo, ndruye wa Akazi, a di dzega Jowasi, mwamana wa Akazi, a muba vbakari ga sanana sa mufumeli, si nga bani si gu songetedwa, aya mu siha ga musayisi waye a nga bani a manega nyumbani a lalago umo, a mu siha ga Ataliya, khu kharato, uye kha songwa.

2 Dzipfhumu 11:2 Iomraidhean Croise

1 Dzipfhumu 11:17

Aholu Hadhadhi ni vambe vama va Edhomi, gumogo ni sithumi sa babe waye, va dzi kodzide gututuma va thavela tigoni ga Egipito; aholu Hadhadhi a di ngari gyanana.

1 Dzipfhumu 6:10

A di vbaha gambe simbe sitezi wubambe gwatshavbo nya nyumba, nya livbandre mikono gulapha guya vbatshani, a si tshanganisa vbanyumbatunu khu mapulango nya sedhari.

1 Dzipfhumu 6:8

Lidimba nya nyumba ya vbakari, li di khade khu phuvbo ga nyamudye nya nyumba, va di lita khu sigandro nya gu dzundrulugele guya gitezi gya vbakari; va khuga khavbovbo va gwela gitezi gya vbatshani.

2 Dzipfhumu 11:21

Jowasi a diri ni tanga nya livbandre na mivili myaga, gikhati va nga mu wumbelago gu khala mufumeli.

2 Dzipfhumu 11:3

Jeyosebha khade naye a sihala Nyumbani ga Pfhumu Nungungulu, livbandre na moyo myaga, Ataliya na gu fuma tigoni.

2 Dzipfhumu 12:1

Khu mwaga nya livbandre na wuvili nya gufume ga Jewu, Jowasi phede gu fuma, fumide gipimo nya magumana myaga Jerusalema; lina la mayi waye a diri uye Zibhiya, wa Bherisebha.

2 Dzipfhumu 8:16

Khu mwaga nya livbandre nya gufume ga Jeyoramo, mwamana wa Akabi, mufumeli wa Israyeli, na nga gu fuma Josafati tigoni ga Judha, a phede gufuma mwanaye Jeyoramo tigoni ga Judha.

2 Dzipfhumu 8:19

Aholu, khu kotani nya lihaladzo ga githumi gyaye Dhavhidhe, Pfhumu Nungungulu kha dzina gu pfhungumula Judha, kha nga a nga bani a mu tumbiside gukhuye a na mu ninga mwenge vbakari ga sanana saye kala gupindruga.

1 Dzikoronika 3:11

babe wa Josafati, khu Joramo; babe wa Joramo, khu Akaziya; babe wa Akaziya, khu Jowasi;

2 Dzikoronika 22:11

Aholu Jeyosabhati, nyamahegyane wa mufumeli, a di dzega Jowasi, mwamana wa Akazi, a muba vbakari ga sanana sa mufumeli, avo va nga bani va songetedwa, aya mu siha makhuvini va nga bani va lala umo Nyumbani gwa Nungungulu, gumogo ni musayisi waye; khu kharati, Jeyosabhati, nyamahegyane wa mufumeli Jeyoramo, mwangadzi wa muphasi nya mhamba Joyadha ni ndruye wa Akazi, a di sihala a si songwi khu Ataliya.

Ekisodha 8:3

Tsongo wu na tala khu vanyakhele nya vangi va na gu litago va ya bela ni nyumbani gwago, ni makhuvini u lalago umo, dawuni gwago ni dzinyumbani nya dzindruna dzago, ga vathu va tigoni gwago, ni matindzaloni u vawulelago umo mikati kala ni somboni sago nya gusugele umo.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 37:35

Kholu Eni nyi na vhikela lidhoropa leli, gasi gu li vbulugisa, khu kotani nya lina langu, ni lihaladzo nyi gu nalo khu githumi gyangu Dhavhidhe.

Jeremiya 33:17

Kholu Pfhumu Nungungulu a ngu ganela kharati, khuye: “Gima kha gu na hamugega muthu a na gu khalago vbagikhalotunu nya wufumu wa Dhavhidhe nya gudugele nyumbani ga Israyeli,

Jeremiya 33:21

kharato gambe gu na kodzega gu hambanisa gidzumeledzwano gyangu ni Dhavhidhe, githumi gyangu, khu magirelo yoyo, gasi khu melegoni gwaye gu si manegi gambe gitugulwana nya gukhale vbagikhalotunu gwaye nya wufumu; gambe gu di hadza gu hambaniswa gidzumeledzwano gyangu ni va na Levhi, a gu vaphasi nya mhamba, va nyi thumelago.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 35:2

“Indra ga va na Rekabhi, u ya ganela navo, u va dzega uya navo Nyumbani ga Pfhumu Nungungulu, u ya bela navo ga muhubhe nya gukari, uya va ninga vbinyu va sela.”

Jeremiya 36:26

Gu diga nya isoso, mufumeli a di ninga nayo ga Jerameyeli, mwamana wa Hameleki, ni Seraya, mwamana wa Aziriyeli, ni Selemiya, mwamana wa Abhidheyeli, guya mola mulovi Bharuki, ni muprofeti Jeremiya; aholu Pfhumu Nungungulu a di va sihide.

Ezekiyeli 40:45

Uye a di nyi embela, khuye: “Likhuvi li guromo khu phuvbo ga Marandzi la gu lumba vaphasi nya mhamba va thumelago Nyumbani ga Nungungulu.”

Valamuli 9:5

Khavbo avbo, a di bwelela Ofira, gaya ga babe waye, aya songa vandriyaye, sanana sa Jerubhahali, nya livbandre na mavili magumi vama vbagiwindritunu. Aholu uye a nga vbuluga khu Jothamo, gyanana nya nandra gya Jerubhahali, kholu igyo gi di sihade.