2 Dzipfhumu 11:12 - Bhibhiliya Nya Guage

¹² Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

2 Dzipfhumu 11:12 Iomraidhean Croise

2 Samuweli 1:10

Khavbo avbo, nyi di hidzimela vbafuvbi gwaye, nyi ya mu songa, kholu nyi di gu dziti gukheni, olu a thegidego kha na nga vbanya. Khu guralo, nyi dzegide gitambo gya hungoni gwaye, ni lisindra la bogoni gwaye nyi si resa avba ga mune wangu.”

2 Samuweli 12:30

Uye a di dzega gihugu nya wufumu hungoni ga mufumeli wakone; gulemela gwaye gi diri ni pimo nya taleta nya ndralama, na giri ni siwindri nya gukhedzige, va handzega hungoni ga Dhavhidhe; va phanga silo nya singi sa dhoropani.

2 Samuweli 16:16

Husayi, Muaraki, pari ya Dhavhidhe a diya dzi wonegisa ga Abhisalamo, a mu embela, khuye: “Vbanya mufumeli, vbanya mufumeli!”

2 Samuweli 2:4

Khavbo avbo, vama va na Judha, va di hongola iyoyo vaya todza Dhavhidhe, gu khala mufumeli wa Judha. Khu guralo, va di embela Dhavhidhe gukhavo vathu va Jabhesi-Gileyadhi khavo va nga dzingago Sawule.

2 Samuweli 2:7

Gasi olu mandza yanu ma na mane tshivba, mu khale vama nya dzindrena, kholu, Sawule mune wanu, songidwe, aholu va nyumbani ga Judha, va nyi todzide gu khala mufumeli vbatshani gwawe.”

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

1 Dzipfhumu 1:25

Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 2:44

Mufumeli a di engedza gambe ga Simeyi, khuye: “Uwe u ngu guti gwadi khu monyoni gwago guvivba gwatshavbo u giredego babe wangu Dhavhidhe. Khu guralo, Pfhumu Nungungulu a na bweledzela hungoni gwago guvivba gwago.

2 Dzipfhumu 11:11

Vawoneleli, moyo ni moyo a di phara litshari mandzani gwaye, gukhugela nyamudye nya nyumba kala nyambade nya nyumba, vbafuvbi ni giluvelo va randrela nyumba ni mufumeli.

2 Dzipfhumu 11:2

Aholu Jeyosebha, nyamahegyane wa mufumeli Joramo, ndruye wa Akazi, a di dzega Jowasi, mwamana wa Akazi, a muba vbakari ga sanana sa mufumeli, si nga bani si gu songetedwa, aya mu siha ga musayisi waye a nga bani a manega nyumbani a lalago umo, a mu siha ga Ataliya, khu kharato, uye kha songwa.

2 Dzipfhumu 11:4

Khu mwaga nya livbandre na wuvili, Joyadha a di rumela gu ya rana vathangeli nya sikwata nya lizana, dzindruna gumogo ni vawoneleli, a bela gumogo navo Nyumbani ga Pfhumu Nungungulu, a gira navo gidzumeledzwano, a va sambanyisa Nyumbani ga Pfhumu Nungungulu, a va yeyedza gyanana gya mufumeli.

2 Dzipfhumu 9:13

Khavbo avbo, va di dzegela gu; muthu ni muthu a dusa mwendra waye a wu ladza vbavbatshi nya migondro yaye gasi gu gira sigandro, va womba pundru va huwelela, khavo: “Jewu a ngu fuma!”

2 Dzipfhumu 9:3

U na dzega kheho nya mafura, u ma guhula hungoni gwaye, u ganela kharati, khuwe: Pfhumu Nungungulu a ngu ganela, kharati: Eni nyi ngu gu todza gu khala mufumeli wa Israyeli. Khavbo avbo, u na tula lidimba u tutuma, u nga hweli.”

2 Dzikoronika 23:11

Khavbo avbo, va di dusa vbavbandze mwamana wa mufumeli, va mu ambagisa gihugu nya wufumu, va mu ninga libhuku nya gidzumeledzwano ni gu mu wumbela gu khala mufumeli; muphasi nya mhamba Joyadha gumogo ni sanana saye va di mu todza khu mafura, va laledza, khavo: “A na vbanye mufumeli.”

Dzindzimo 132:18

Nyi na thela dzitshoni valala vaye; aholu uye a na fuma khu wuzundzo ni wudhumo.”

Dzindzimo 21:3

Kholu uwe wa gu mu thangela khu makategwa nya makhongolo, u ngu mu ambagisa gihugu nya ndralama hungoni.

Dzindzimo 21:4

Uye a di gu lomba guvbanya, uwe u mu ningide matshigu nyamba hegisa kala gupindruga.

Dzindzimo 47:1

Enu mahundzu yatshavbo, phaphatani mandza; embani ga Nungungulu khu mikulungwane nya gutsake.

Dzindzimo 78:5

Uye vegide nayo ga Israyeli, a ninga sileletelo sanana sa Jakobe a ruma vababe vathu gu hevbudza milayo yeyi ga sanana sathu,

Dzindzimo 89:39

U fanyide pwanano u hungidego ni githumi gyago; u nyenyeziside gihugu gyaye u gi rinya vbavbatshi.

Dzindzimo 98:8

yi na phaphatele mitsongo, ni sigomo si na nengele khu gutsaka,

Ekisodha 25:16

Ndrani nya ngasa u na vega Wufakazi nya gidzumeledzwano, nyi na gu ningago.

Ekisodha 31:18

Hwane nya gu Pfhumu Nungungulu na vbedzide gu ganela ni Mosi gigomoni gya Sinayi, a di mu ninga mapulango mavili nya Wufakazi, siwindri si lovidwego khu nyala ya Nungungulu.

Isaya 55:12

Kholu mu na dugani na mu gu nengela mu gimbidziswa khu gurula; sigomo ni sigomwana si na womba sizimba mbeli gwanu, ni misimbo yatshavbo ya khabini yi na khwakhwatela mandza.

Isaya 8:16

Vegedza wufakazi wangu, u namega nayo ga vapizane vangu.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Dhaniyeli 3:9

va embela mufumeli Nabhukodhonosori, khavo: “Uwe mufumeli, vbanya kala gupindruga!

Dhaniyeli 6:21

Dhaniyeli a di embela mufumeli, khuye: “Uwe mufumeli, vbanya kala gupindruga!

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 27:29

va di luga gihugu nya miba va mu ambagisa, va mu pharisa sengele khu libogo la nyamudye. Va di vbindra khu khovbeni gwaye, va mu khidzimela, va mu kasuwari, khavo: “Sewe, Mufumeli wa Vajudha!”

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

2 Vakorinto 1:21

Uye Nungungulu khuye a hi tiyisago ethu ni enu khu ga Kristo, khuye a nga hi hatha;

Vahebheru 1:9

U ngu gola gululama, u nyenya guvivba. Khu guralo, Nungungulu, a gu Nungungulu wago, a gu todzide khu mafura nya gunengele, a gu khusedza vbatshani ga dzipari dzago.”

Vahebheru 2:9

Aholu, hi ngu wona Jesu a nga vegwa gikhati gidugwanana vbavbatshi nya dzingilozi dza Nungungulu, olu a khusedzidwego a gu ningwa gungangamela ni gidhumo, khu gufa a gu manego. Nungungulu, khu wuhindzi waye, dzinide gu vbindrugedza gufa ga Jesu a gu gira guvbanya nya vathu.

Gutuledwa 19:12

Maho yaye ma di ngangamela nga malavbelavbe nya nilo, hungoni gwaye a na ni sihugu nya singi. A na ni lina li lovidwego, nya gu mwalo a litigo, vbavbandze ga uye mune basi.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.