2 Dzipfhumu 11:11 - Bhibhiliya Nya Guage

¹¹ Vawoneleli, moyo ni moyo a di phara litshari mandzani gwaye, gukhugela nyamudye nya nyumba kala nyambade nya nyumba, vbafuvbi ni giluvelo va randrela nyumba ni mufumeli.

2 Dzipfhumu 11:11 Iomraidhean Croise

2 Dzipfhumu 11:10

Muphasi nya mhamba a di ningela ga mitsawa nya lizana, matshari ni sitshangu, esi si nga bani siri sa mufumeli Dhavhidhe si nga bani siri Nyumbani gwa Pfhumu Nungungulu.

2 Dzipfhumu 11:12

Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

2 Dzipfhumu 11:8

Mu na randrela mufumeli, muthu ni muthu nari ni litshari laye mandzani, ni wevbini a na vbwetago gu bela ga dzindzarara dzanu mu songeni; enu mu na khala ni mufumeli, gikhati a belago ni gikhati a dugago.”

2 Dzikoronika 6:12

Solomoni a di ema mbeli nya giluvelo gya Pfhumu Nungungulu, na gu wonwa khu tshangano watshavbo wa na Israyeli, a di khusedza mandza.

Ekisodha 40:6

U na vega giluvelo nya miphaso nya guvbiswe mbeli nya mwanya nya wulanga nya guage nya Tshatsha nya Tshangano.

Ezekiyeli 8:16

Khu guralo, uye a di nyi dzega a gu nyi bedza ndrani nya likupakupa la Nyumbani ga Pfhumu Nungungulu; vbale, vbamwanyatunu nya Nyumba ya Pfhumu Nungungulu, vbakari ni vbakari nya mwanya ni giluvelo, gu diromo gipimo nya magumavili na livbandre (25) vama, na va pfhurarede Nyumba ya Pfhumu Nungungulu, dzikhovbe dzawe va khedza Khugadambo; avo va di gu khozela lidambo.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Luka 11:51

gukhugela gu songwa gwa Abheli kala gu songwa gwa Zakariya, a nga songwago vbakari nya giluvelo ni makhuvi nya Nyumba ya Nungungulu. Khidzo nyi mi embelago, Nungungulu a na lamula mela yoyu khu satshavbo sesi.