2 Dzipfhumu 10:6 - Bhibhiliya Nya Guage

⁶ A di lova gambe lidangalila nya wuvili, khuye: Mwa gu bani muri vathu vangu mu ema gumogo ni eni, ni gu yingisani magana yangu, mindru khu gikhati nya nga egi resani eno Jezireyeli, mihungo nya vama va gu sanana sa mufumeli wanu. Aholu, sanana sa mufumeli esi nya livbandre na mavili magumi, si diri mandzani ga madhota ya dhoropani va si fuya.

2 Dzipfhumu 10:6 Iomraidhean Croise

2 Dzipfhumu 10:5

Khavbo avbo, uye a nga bani nari kubanati nya nyumba ya mufumeli, ni muthangeli nya lidhoropa, madhota ni sithumi, va di rumela lito ga Jewu li gu, khilo: “Ethu hi sithumi sago, satshavbo u na hi embelago hi na gira; mwalo hi na gu mu emisago a khala mufumeli; gira iso si gu sadi mahoni gwago.”

2 Dzipfhumu 10:7

Avbo li nga vboha gwawe lidangalila, va di dzega sanana nya vama sa mufumeli, nya livbandre na mavili magumi va si songa va pila mihungo yawe va thela miravani va yi rumela ga Jewu, dhoropani ga Jezireyeli.

2 Dzipfhumu 10:9

Khu mindru gakone, uye a di duga ata ema a embela vathu vatshavbo, khuye: “Eni nyi lulamide, eni kheni nyi nga gira gikungo nya guwugele mufumeli wangu, nyi mu songa; gasi khu mani a songidego vatshavbo vava?

2 Dzipfhumu 9:32

Jewu a di khusa maho yaye a khedza vbagihogotunu a ganela, khuye: “Khu mani a emago ni eni? Khu mani? Mithenwa mivili mwendro miraru yaye, yi di hidzimela vbagihogotunu yi mu khedza.

Joba 21:19

Enu mwa gu ganelani gukhenu: “Nungungulu a gu tsayisa sanana sawe khu sighoho sa vavelegi vawe; khu kharato khu ginani a si tsayisigo avo vavelegi, gasi va mana gihevbudzo?

Mitengo 25:4

Khavbo avbo, Pfhumu Nungungulu a di embela Mosi, khuye: “Tombanisa vathangeli vatshavbo nya vathu va na Israyeli, u va tshwedzisa mbeli ga Pfhumu Nungungulu, mulihanini, vafa na va gu wonwa khu vatshavbo va na Israyeli, mwendro saye Pfhumu Nungungulu a na bosa likhulo laye.”

Matewu 12:30

Uye a si emigo ni eni a ngu nyi wugela; uye a si hengeligo ni eni a ngu phalalegisa.

Luka 9:50

Aholu Jesu a di khuye: “Mu nga mu himbedzeli, kholu uye a si mi wugeligo khwana gyanu.”

Dhewuteronome 5:9

u nga gi khidzimeli ambari gu gi khozela; kholu Eni Pfhumu Nungungulu wago, nyi Nungungulu nya wufu, nyi tsayisago sanana khu kotani nya sighoho sa vavelegi kala gitugulwana nya wuraru nigyo nya wu na ga vale va nyi vengago;