2 Dzipfhumu 10:11 - Bhibhiliya Nya Guage

¹¹ Jewu a di sasela gambe vatshavbo va nga bani va tshade va nyumbani ga Akabi, tigoni ga Jezireyeli, gumogo ni madhota yaye, valongo vaye ni vaphasi vaye nya mhamba, kala gu si tshali ni moyo.

2 Dzipfhumu 10:11 Iomraidhean Croise

1 Dzipfhumu 14:10

Wona nya gukhuwe, nyi na wusa libango nyumbani ga Jerobhowamo. Nyi na wandra mandzani ga Jerobhowamo, vathu vatshavbo nya vama nya vakhongolo navo nya vadugwana, dzikhumbi navo nya gutshulege tigoni ga Israyeli, nyi na vbiyela situgulwana satshavbo sa nyumbani ga Jerobhowamo, gukhwatshi ndzilo yi vbiyedwago hiyo bhi.

1 Dzipfhumu 15:29

Me ni gu khala vbagikhalotunu nya wufumu, a diya mbembisa ndranga yatshavbo ya Jerobhowamo, nyamba tshiya ni moyo nya guvbanye, kha nga guganela ga Pfhumu Nungungulu, ugo a ganedego khu ga githumi gyaye Ayiya wa Silo.

1 Dzipfhumu 16:11

Me ni gu khala vbagikhalotunu nya wufumu, a khala mufumeli, a di rumela guya sasela ndranga yatshavbo ya Bhahasa, nyamba tshiya ni muthu moyo nya girambo nya mwama, ga valongo vaye ni ga dzipari dzaye.

1 Dzipfhumu 18:19

Gasi olu, rumela guya ramba vatshavbo va na Israyeli, vaya tshangana gumogo ni vaprofeti gigomoni gya Karimelo gumogo gambe ni mazana mana ni livbandre magumi (450) vaprofeti Vabhahali, ni mazana mana (400) vaprofeti va Asitaroti, va hodzago vbamezatunu ga Jezabheli.”

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

1 Dzipfhumu 21:22

Nyi na gira ndranga yago kha nga idzo nyi giridego ndranga ya Jerobhowamo, mwamana wa Nebhati, kha nga ndranga ya Bhahasa, mwamana wa Ayiyasi, kholu u wuside likhulo langu bwelo khavbo, u ghohisa ni va na Israyeli.”

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

2 Dzipfhumu 10:12

Khavbo avbo, a di khuga a hongola Samariya. Nari ndzilani, tigoni ga Bheti-Ekedhi, avbo va tshanganago avbo vahavisi,

2 Dzipfhumu 23:20

A di songa vatshavbo vaphasi nya mhamba va malangani nya gukhugege ma nga bani na mari vbale, a dzega marambo nya vathu a ma vbisa vbasiluvelotunu sawe; khu hwane a di bwelela Jerusalema.

2 Dzipfhumu 9:7

U na sasela nyumba ya Akabi, mune wago, gasi nyi phodza novba wa sithumi sangu, vaprofeti ni novba wa sithumi satshavbo sa Pfhumu Nungungulu, wu vbaladzidwego khu gyandza gya Jezabheli.

2 Dzipfhumu 9:9

Kholu nyumba ya Akabi, nyi na yi gira kha nga idzo nyi nga gira nyumba ya Jerobhowamo, mwamana wa Nebhati, kha nga nyumba ya Bhahasa, mwamana wa Ayiya.

2 Dzikoronika 22:7

Nungungulu a di thumisa liendro leli la Akazi gumogo ni gu mu vangela lufu khu gu hongola aya wusela Joramo; kholu avbo a ngatago, uye a di soma nyimbi gumogo ni Joramo, gasi guya dwana ni Jewu, mwamana wa Ninisi, uye a nga bani a todzidwe khu Pfhumu Nungungulu, gasi a mbembise nyumba ya Akabi.

2 Dzikoronika 22:8

Gikhati Jewu a nga bani a thuma thumo wowu nya gulamule nyumbani ga Akabi, a di mana manganagana ya na Judha, ni sanana sa vandruye va Akazi, va nga bani va mu thumela a va songa.

Joba 18:19

Gima kha va na mana gyanana ambari tugulu, tigoni gwawe, ambari gutshala moyo nya guvbanye dzindrangani gwawe.

Dzindzimo 109:13

Livelego laye latshavbo li na vbele hilo bhi, ni lina laye li na futwe ga situgulwana si nga gutago.

Dzindzimo 125:5

Aholu, vale va ndreyago va bela khu dzindzila nya guvivbe, Pfhumu Nungungulu a na va pata gumogo ni sighevenga. Gurula gu na manege ga va na Israyeli!

Mavingu 13:20

Wule a gimbilago ni va nya mapimo, a na mana mapimo, aholu wule a gimbilago ni sipumbu a na thegedwa khu libango.

Hoseya 1:4

Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli.

Josuwa 10:30

Pfhumu Nungungulu a di va ningela mandzani ga va na Israyeli, avo gumogo ni mufumeli wawe, gu sasedwa khu matshari lidhoropa gumogo ni vavbanyi waye, nyamba tshidwa ni moyo. Mufumeli wawe a di girwa kha nga idzo a nga girwago mufumeli wa Jeriko.

Josuwa 11:8

Pfhumu Nungungulu a di va ningela mandzani ga va na Israyeli, va va pala, va gu va lundra kala Sidhoni nya khongolo, va vboha Misirefoti-Mayimi, kala kovani wa Misipa khu Khugadambo; va di va sasela nyamba tshiya ni moyo nya guvbanye.

Josuwa 15:56

Jezireyeli, Jokidhamu ni Zanowa;

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.